កម្ពុជា អបអរវៀតណាម ដែលជាប់ជាសមាជិកក្រុមប្រឹក្សាសន្តិសុខ UN
- 2019-07-19 02:28:28
- ចំនួនមតិ 0 | ចំនួនចែករំលែក 0
កម្ពុជា អបអរវៀតណាម ដែលជាប់ជាសមាជិកក្រុមប្រឹក្សាសន្តិសុខ UN
ចន្លោះមិនឃើញ
លោក ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិ បានសម្តែងការអបអរសាទរដល់ប្រទេសវៀតណាមដែលជាប់ឆ្នោតជាសមាជិកមិនអចិន្ត្រៃយ៍នៃក្រុមប្រឹក្សាសន្តិសុខអង្គការសហប្រជាជាតិឆ្នាំ២០២០-២០២១។ ជាមួយគ្នានេះ កម្ពុជាក៏បានគាំទ្រវៀតណាមធ្វើជាប្រធានអាស៊ាននៅឆ្នាំ២០២០ ខាងមុខនេះផងដែរ។
ការថ្លែងខាងលើនេះ ធ្វើឡើងក្នុងជំនួបពិភាក្សាការងាររវាងលោក ប្រាក់ សុខុន និងលោក វៀង ភុជុង អនុរដ្ឋមន្ត្រីការបរទេសវៀតណាមនៅទីស្តីការក្រសួងការបរទេស កាលពីរសៀលថ្ងៃទី១៨ ខែកក្កដា ឆ្នាំ២០១៩។
ក្រៅពីនេះ លោក ប្រាក់ សុខុន ក៏បានពិគ្រោះយោបល់ជាមួយនឹងអនុរដ្ឋមន្ត្រីក្រសួងការបរទេសវៀតណាម លើបញ្ហាសំខាន់ៗចំនួនពីរទៅនឹងទំនាក់ទំនងរវាងប្រទេសនីមួយៗជាមួយនឹងប្រទេសខាងក្រៅដូចជាមហាអំណាចសហរដ្ឋអាមេរិក-សហភាពអឺរ៉ុបផងដែរ។
លោក វៀង ភុជុង បានលើកឡើងក្នុងជំនួបនេះថា វៀតណាមបានតាមដាននូវការវិវឌ្ឍនានារបស់កម្ពុជានិងអាមេរិក ក៏ដូចជាសហភាពអឺរ៉ុប។ ជាពិសេសចុងក្រោយនេះ សភាសហរដ្ឋអាមេរិកបានអនុម័តច្បាប់ប្រជាធិបតេយ្យ ហើយភាគីវៀតណាមបានគាំទ្រចំពោះប្រតិកម្មតបរបស់កម្ពុជា ឆ្លើយតបចំពោះសហរដ្ឋអាមេរិកយ៉ាងសមស្រប៕