ចង់ទៅលេងតំបន់ធម្មជាតិមួយនេះក្នុងឧទ្យានជាតិវីរជ័យ ត្រូវប្រើពេល៧ថ្ងៃ
- 2019-07-19 06:56:51
- ចំនួនមតិ 0 | ចំនួនចែករំលែក 0
ចង់ទៅលេងតំបន់ធម្មជាតិមួយនេះក្នុងឧទ្យានជាតិវីរជ័យ ត្រូវប្រើពេល៧ថ្ងៃ
ចន្លោះមិនឃើញ
«តំបន់វាលធំ» ជាតំបន់អេកូទេសចរធម្មជាតិមួយស្ថិតនៅក្នុងឧទ្យានជាតិវីរជ័យ។ តំបន់នេះស្ថិតក្នុងស្រុកចំនួន០២គឺ ស្រុកតាវែង និងស្រុកវើនសៃ នៃខេត្តរតនគិរី។
ចំពោះសេវាកម្មជូនភ្ញៀវចូលកម្សាន្តទស្សនាមន្ទីរបរិស្ថាន គឺមានមន្រ្តីឧទ្យានុរក្សជាអ្នកនាំភ្ញៀវទៅទស្សនា។
ភ្ញៀវទេសចរអាចចូលទស្សនាកម្សាន្តដោយថ្មើជើង រយៈពេល ៧ថ្ងៃឬ៥ថ្ងៃ គឺផ្តើមចេញដំណើរពីក្រុងបានលុង(មន្ទីរបរិស្ថានខេត្តរតនគិរី) ឆ្ពោះទៅស្រុកតាវែងមានចម្ងាយប្រហែល ៦៥គីឡូម៉ែត្រ។ នៅពេលទៅដល់រួចហើយ ក៏ធ្វើដំណើរបន្តទៅភូមិទំពួនរឿងតូច ភូមិផ្យាង (ភូមិបងប្អូនជនជាតិដើមភាគតិចព្រៅ)។ ពេលខ្លះភ្ញៀវអាចស្នាក់នៅភូមិ១យប់សិន ឬក៏ ធ្វើដំណើរបន្តរហូតដល់បន្តបោះជំរំក្នុងព្រៃតែម្តង វាអាស្រ័យលើភ្ញៀវថាតើពួកគាត់មានពេលយូរ ឬរយៈពេលខ្លី។
-ថ្ងៃទី១ ចាប់ផ្តើមចេញដំណើរពីមន្ទីរបរិស្ថានឆ្ពោះទៅស្រុកតាវែង(ស្នាក់នៅភូមិបងប្អូនជនជាតិភាគតិច១យប់។
-ថ្ងៃទី២ បោះជំរំក្នុងព្រៃ(ឧទ្យានជាតិវីរជ័យ)។
-ថ្ងៃទី៣ បោះជំរំនៅ (ភ្នំវាលធំ)។
-ថ្ងៃទី៤ ដើរកម្សាន្តជុំវិញភ្នំវាលធំ(បោះជំរំកន្លែងដដែល)។
-ថ្ងៃទី៥ ត្រឡប់មកវិញគឺធ្វើដំណើរចេញពីភ្នំវាលធំ ឆ្ពោះទៅទឹកធ្លាក់(អូរអំប៊ុត/អូរប៉ង់) បោះជំរំ រហូតដល់ភូមិកោះនៅទីនោះ១យប់។
-ថ្ងៃទី៦ ចេញដំណើរពីទឹកធ្លាក់ឆ្ពោះទៅភូមិ កោះប៉ង់ ហើយស្នាក់នៅភូមិកោះប៉ង់តែម្តង។
-ថ្ងៃទី៧ ជាថ្ងៃចុងក្រោយ គឺធ្វើដំណើរតាមទូកចុះទៅស្រុកវើនសៃ រួចហើយដំណើរត្រឡប់ទៅខេត្តវិញ។
សម្រាប់ព័ត៌មានបន្ថែម អាចទាក់ទងមជ្ឈមណ្ឌលអេកូទេសចរណ៍ធម្មជាតិនៃមន្ទីរបរិស្ថានខេត្តរតនគិរីបាន៕
អត្ថបទ និងរូបថត៖ មន្ទីរបរិស្ថានខេត្តរតនគិរី
© រក្សាសិទ្ធិគ្រប់យ៉ាងដោយ Sabay ឆ្នាំ២០១៦
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
