បុរសចំណាស់កូរ៉េម្នាក់ ដុតសម្លាប់ខ្លួននៅមុខស្ថានទូតជប៉ុនប្រចាំក្រុងសេអ៊ូល

2019-07-19 08:21:20
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

បុរសកូរ៉េខាងត្បូងម្នាក់វ័យ ៧០ប្លាយ បានដុតសម្លាប់ខ្លួននៅមុខស្ថានទូតជប៉ុនប្រចាំក្រុងសេអ៊ូល នាព្រឹកថ្ងៃទី១៩ ខែកក្កដា ឆ្នាំ២០១៩។

រូបថត៖ AFP

អាជ្ញាធរឱ្យដឹងថា បុរសចំណាស់រូបនោះ បានចាប់ផ្តើមដុតខ្លួនក្នុងឡានរបស់គាត់ដែលបានចតនៅមុខអគារស្ថានទូត ហើយបានស្លាប់បន្ទាប់ពីត្រូវបានព្យាបាលក្នុងមន្ទីរពេទ្យ។ ហ្គាស ២០កំប៉ុង ក៏ត្រូវបានរកឃើញនៅក្នុងឡានរបស់គាត់ផងដែរ។

បើតាមប្រព័ន្ធផ្សព្វផ្សាយក្នុងស្រុកបង្ហាញថា ឪពុកក្មេករបស់បុរសដែលធ្វើអត្តឃាតនេះ គឺជាជនរងគ្រោះក្នុងសម័យដែលជប៉ុនឈ្លានពានកូរ៉េ ដោយទាហានជប៉ុន បានបង្ខំប្រើពលកម្មលើប្រជាជនកូរ៉េ។

គួរកត់សម្គាល់ថា ហេតុការណ៍នេះ កើតឡើងស្របពេលដែលរដ្ឋមន្រ្តីក្រសួងការបរទេសជប៉ុន លោក Taro Kono បានកោះហៅឯកអគ្គរដ្ឋទូតកូរ៉េខាងត្បូងប្រចាំក្រុងតូក្យូ ជុំវិញជម្លោះការទាមទារសំណងរបស់កូរ៉េខាងត្បូង ក្នុងអំឡុងសម័យសង្គ្រាមឈ្លានពាននោះ៕

ប្រភព៖ Channelnewsasia ប្រែសម្រួល៖ សំភី