រដ្ឋមន្ត្រីការបរទេស ប្រាប់ទូតឱ្យរឹតបន្តឹងសន្តិសុខពេលផ្ដល់ទិដ្ឋការដល់ជនបរទេសចូលកម្ពុជា

2019-07-24 06:28:41
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក ប្រាក់ សុខុន ឧបនាយករដ្ឋមន្រ្តី រដ្ឋមន្ត្រីក្រសួងការបរទេសកម្ពុជា បានឲ្យឯកអគ្គរាជទូត អគ្គកុងស៊ុល និងកុងស៊ុលកិត្តិយស នៃព្រះរាជាណាចក្រកម្ពុជាប្រចាំនៅបរទេស ធ្វើការរឹតបន្តឹងសន្តិសុខ និងសុវត្ថិភាព ពេលផ្ដល់ទិដ្ឋការចូលព្រះរាជាណាចក្រកម្ពុជា។

យោងតាមលិខិតចុះថ្ងៃទី១៥ ខែកក្កដា ឆ្នាំ២០១៩ ដែលទើបតែទទួលបាននៅថ្ងៃទី២៤ ខែកក្កដា លោកឧបនាយករដ្ឋមន្ត្រី ប្រាក់ សុខុន បានជម្រាបទៅឯកអគ្គរាជទូត អគ្គស៊ុល និងកុងស៊ុលកិត្តិយសប្រចាំនៅបរទេសថា ក្រសួងស្នើស្ថានតំណាងកម្ពុជាប្រចាំនៅបរទេសទាំងអស់ ពិនិត្យមើលឲ្យបានហ្មត់ចត់ និងច្បាស់លាស់ពីគោលបំណងរបស់ជនបរទេសដែលស្នើសុំទិដ្ឋការចូលកម្ពុជា ដើម្បីធានាសន្តិសុខ និងសុវត្ថិភាពដូចជាការការពារអធិបតេយ្យភាពជាតិ។ បដិសេធការផ្ដល់ទិដ្ឋាការដល់ជនបរទេសណាដែលមានបំណងគាំទ្រ ឬការពារជនទាំងឡាយណាដែលត្រូវបានផ្តន្ទាទោស ឬកំពុងជាប់ទៅដោយដីកាតុលាការ៕

អត្ថបទ៖ សោភា