ផ្លូវខ្នងភ្នំគូលែន ត្រូវបានរកឃើញថា មិនទាន់មានសុវត្ថិភាពក្នុងការធ្វើចរាចរណ៍នៅឡើយទេ
- 2019-07-25 07:14:08
- ចំនួនមតិ 0 | ចំនួនចែករំលែក 0
ផ្លូវខ្នងភ្នំគូលែន ត្រូវបានរកឃើញថា មិនទាន់មានសុវត្ថិភាពក្នុងការធ្វើចរាចរណ៍នៅឡើយទេ
ចន្លោះមិនឃើញ
ក្រុមការងារបច្ចេកទេសចម្រុះ បានសង្កេតឃើញថា មានផ្នែកមួយចំនួននៃផ្លូវខ្នងភ្នំគូលែន មិនទាន់មានសុវត្ថិភាពក្នុងការធ្វើចរាចរណ៍នៅឡើយទេ។ នេះបើតាមសេចក្តីជូនដំណឹងរបស់អាជ្ញាធរជាតិអប្សរាកាលពីថ្ងៃទី២៤ ខែកក្កដា ឆ្នាំ២០១៩។
ក្នុងសេចក្តីជូនដំណឹងនេះបញ្ជាក់ថា ទីតាំងមួយចំនួនទៀតនៃផ្លូវនេះ មានគ្រាប់ក្រួសដែលអាចបណ្តាលឱ្យរថយន្តក្នុងស្ថានភាពចុះចំណោត ងាយរអិល ហើយចំណុចបត់កោងមួយចំនួនទៀត មានសភាពតូចចង្អៀត និងមិនទាន់បានធ្វើជម្រាលសុវត្ថិភាពនៅឡើយទេ។
ការសម្រេចនេះ ធ្វើឡើងបន្ទាប់ពីក្រុមការងារបច្ចេកទេសចម្រុះ ដែលមានសមាសភាពមកពីសាលាខេត្តសៀមរាប មន្ទីរសាធារណការ និងដឹកជញ្ជូនខេត្ត មន្ទីរបរិស្ថានខេត្ត មន្ទីរទេសចរណ៍ខេត្តសៀមរាប ក្រុមហ៊ុន ទ្រី ភាព គ្រុប នាយកដ្ឋានទ្រទ្រង់បច្ចេកទេស និងគម្រោងអន្តរវិស័យនៃអាជ្ញាធរជាតិអប្សរា សាលាស្រុកស្វាយលើ បានធ្វើការប្រជុំពិភាក្សា និងការចុះពិនិត្យជាក់ស្តែងស្តីពីបញ្ហាប្រឈមគ្រោះថ្នាក់នៃការធ្វើចរាចរណ៍លើផ្លូវកំពុងស្ថាបនាលើខ្នងភ្នំគូលែន៕