លោកត្រាំថាសិង្ហបុរីជា «ប្រទេសអ្នកមាន» តែបែរបន្ទាបខ្លួនថាជា «ប្រទេសកំពុងអភិវឌ្ឍន៍» ទៅវិញ

2019-07-28 02:45:48
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ប្រធានាធិបតីអាមេរិក លោក ដូណាល់ ត្រាំ បានចោទ សិង្ហបុរី និងប្រទេសមួយចំនួនទៀត ដែលសុទ្ធតែជាប្រទេសអ្នកមាន តែបែរជាបន្ទាបខ្លួនប្រកាសនៅអង្គការពាណិជ្ជកម្មពិភពលោក (WTO) ថា ជាប្រទេសកំពុងអភិវឌ្ឍន៍ទៅវិញ ដើម្បីកេងចំណេញពាណិជ្ជកម្ម។ នេះបើតាមរបាយការណ៍ចេញផ្សាយដោយសេតវិមានកាលពីថ្ងៃទី២៦ ខែកក្កដា ឆ្នាំ២០១៩។

លោក លី ស៊ានឡុង ក្នុងជំនួបជាមួយលោក ដូណាល់ ត្រាំ នាពេលកន្លងមក (រូបថត៖ The Dispatch)

លោក ត្រាំ បានលើកឡើងក្នុងរបាយការណ៍នេះយ៉ាងដូច្នេះថា៖ «**ប្រទេស៧ ក្នុងចំណោមប្រទេស១០ ដែលមានទ្រព្យសម្បត្តិច្រើនជាងគេបំផុតក្នុងពិភពលោក ដែលវាស់វែងដោយផលិតក្នុងស្រុកសរុបក្នុងមនុស្សម្នាក់ (GDP Per Capita) រួមមាន ប្រ៊ុយណេ ហុងកុង គូវែត ម៉ាកាវ កាតា សិង្ហបុរី និងអារ៉ាប់រួម បច្ចុប្បន្ននេះ បានអះអាងថាខ្លួនជាប្រទេសកំពុងអភិវឌ្ឍន៍។ ម៉ិចស៊ីកូ កូរ៉េខាងត្បូង និងតួកគី ដែលជាសមាជិក G20 និងអង្គការសហប្រតិបត្តិការសេដ្ឋកិច្ច និងអភិវឌ្ឍន៍ (OECD) ក៏បានអះអាងអ៊ីចឹងដែរ**»។

ក្រោយចេញរបាយការណ៍នេះ លោកប្រធានាធិបតីក៏បានបង្ហោះនៅលើបណ្តាញទ្វីតធើលោកផងដែរថា ប្រទេសទាំងនេះ កំពុងតែកេងចំណេញពាណិជ្ជកម្មយ៉ាងអយុត្តិធម៌ចំពោះការប្រកាសជាប្រទេសកំពុងអភិវឌ្ឍន៍បែបនេះ។

លោកសរសេរយ៉ាងដូច្នេះថា៖ «WTO គឺបានខ្ទេចខ្ទាំហើយ នៅពេលប្រទេសអ្នកមានបំផុតក្នុងលោក បានប្រកាសខ្លួនជាប្រទេសកំពុងអភិវឌ្ឍន៍ ដើម្បីចៀសវាងច្បាប់ WTO និងទទួលបាននូវករណីពិសេស (ពាណិជ្ជកម្ម)។ រឿងបែបនេះលែងមានទៀតហើយ»៕

ប្រភព៖ Channelnewsasia ប្រែសម្រួល៖ សំភី