លោក ពូទីន ថាទ័ពជើងទឹករុស្ស៊ីបំពាក់បច្ចេកវិទ្យាថ្មីបំផុត មិនញញើតនឹងសត្រូវណាមួយឡើយ

2019-07-29 04:58:27
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ប្រធានាធិបតីរុស្ស៊ី លោក វ្លាឌីមៀ ពូទីន បានថ្លែងថា ទ័ពជើងទឹករុស្ស៊ី គឺជាអ្នកនាំមុខគេក្នុងការសម្របខ្លួន និងការអភិវឌ្ឍបច្ចេកវិទ្យាយោធាថ្មី និងធានាដល់សមត្ថភាពការពារប្រទេស មិនខ្លាចសត្រូវឈ្លានពានឡើយ។ ការថ្លែងនេះ ធ្វើឡើងក្នុងពិធីព្យុហយាត្រាទ័ពជើងទឹកប្រចាំឆ្នាំរបស់រុស្ស៊ី កាលពីថ្ងៃទី២៨ ខែកក្កដា ឆ្នាំ២០១៩។

រូបថត៖ វិបសាយ Jerseyevening Post

លោកបញ្ជាក់យ៉ាងដូច្នេះថា៖ «**ទ័ពជើងទឹករបស់យើង ធានាបានទាំងស្រុងនូវសន្តិសុខរុស្ស៊ី និងផលប្រយោជន៍ជាតិរបស់ខ្លួន ហើយមានសមត្ថភាពប្រឈមមុខនឹងការឈ្លានពានណាមួយបាន។ ទ័ពជើងទឹក បានចូលរួមចំណែកយ៉ាងអស្ចារ្យ ក្នុងការអភិវឌ្ឍវិស័យវិទ្យាសាស្រ្តក្នុងប្រទេសរុស្ស៊ី។ បច្ចុប្បន្ន ទ័ពជើងទឹក គឺប្រើបច្ចេកវិទ្យាថ្មីបំផុត។ វាគឺប្រើប្រាស់ប្រកបដោយប្រសិទ្ធភាព និងអភិវឌ្ឍវិស្វកម្ម និងគម្រោងរចនាតែមួយគត់គ្មានពីរក្នុងពិភពលោក**»។

បើតាមការលើកឡើងរបស់របស់ប្រធានាធិបតីរូបនេះ ទ័ពជើងទឹករុស្ស៊ី នឹងទទួលបាននាវាថ្មី និងកាណូតបំពាក់កាំភ្លើងថ្មីចំនួន១៥គ្រឿង ព្រមទាំងការធ្វើទំនើបកម្មយោធា និងហេដ្ឋារចនាសម្ព័ន្ធតាមមូលដ្ឋានទ័ពជើងទឹកផងដែរ ក្នុងឆ្នាំ២០១៩នេះ៕

ប្រភព៖ TASS ប្រែសម្រួល៖ សំភី