កូរ៉េខាងជើង បាញ់មីស៊ីលព្រឹកនេះទៀតហើយ ស្របពេលកូរ៉េខាងត្បូង ធ្វើសមយុទ្ធជាមួយអាមេរិក

2019-08-06 02:07:38
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

នៅព្រឹកថ្ងៃទី៦ ខែសីហា ឆ្នាំ២០១៩នេះ កូរ៉េខាងជើងបានបាញ់មីស៊ីលចំនួន២គ្រាប់ចូលក្នុងសមុទ្រភាគខាងកើតប្រទេស។ នេះបើតាមការបញ្ជាក់របស់យោធាកូរ៉េខាងត្បូង។

ក្នុងរយៈពេល២សប្តាហ៍ចុងក្រោយនេះ កូរ៉េខាងជើង បានបាញ់មីស៊ីល ចំនួនដងហើយ។

លោក គីម ជុងអ៊ុន មើលការបាញ់មីស៊ីលកន្លងមក (រូបថត៖ AFP)

ជាមួយគ្នានេះ ក្រសួងការបរទេសកូរ៉េខាងជើង បានចេញសេចក្តីថ្លែងការណ៍មួយចោទថា ការធ្វើសមយុទ្ធយោធារវាងកូរ៉េខាងត្បូង និងអាមេរិក គឺមានបំណងសំដៅការឈ្លានពានមកលើប្រទេសខ្លួន។

អ្នកនាំពាក្យក្រសួងការពារជាតិអាមេរិក បានបញ្ជាក់ថា អាមេរិកនឹងបន្តតាមដានស្ថានការណ៍ និងពិគ្រោះជាមួយសម្ព័ន្ធមិត្តកូរ៉េខាងត្បូង និងជប៉ុនរបស់ខ្លួន ជុំវិញការធ្វើតេស្តមីស៊ីលរបស់កូរ៉េខាងជើងនេះ។

យ៉ាងណាមិញរដ្ឋមន្រ្តីការពារជាតិកូរ៉េខាងត្បូង លោក Jeong Kyeong-doo បានថ្លែងកាលពីថ្ងៃចន្ទម្សិលមិញថា សមយុទ្ធជាមួយអាមេរិកបានចាប់ផ្តើមធ្វើឡើងហើយ ដោយបញ្ជាក់ថាសមយុទ្ធនេះ មិនពាក់ព័ន្ធនឹងការហ្វឹកហាត់ប្រយុទ្ធជាក់ស្តែងឡើយ៕

ប្រភព៖ Independent ប្រែសម្រួល៖ សំភី