អគារអាស៊ានថ្មីកម្ពស់ ១៦ជាន់ បើកសម្ពោធជាផ្លូវការ ក្នុងឱកាសខួប៥២ឆ្នាំនៃការបង្កើតអាស៊ាន

2019-08-08 06:59:25
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

អគារថ្មីរបស់លេខាធិការដ្ឋានអាស៊ានកម្ពស់១៦ជាន់ ដែលមានទីតាំងនៅក្រុងហ្សាការតា ប្រទេសឥណ្ឌូណេស៊ី ត្រូវបានបើកសម្ពោធជាផ្លូវការហើយនៅថ្ងៃទី៨ ខែសីហា ឆ្នាំ២០១៩នេះ ដែលត្រូវជាថ្ងៃខួប៥២ឆ្នាំនៃការបង្កើតអាស៊ាន។ ពិធីនេះធ្វើឡើងក្រោមអធិបតីភាពលោក ចូកូ វីដូដូ ប្រធានាធិបតីឥណ្ឌូណេស៊ី ដោយមានការចូលរួមពីរដ្ឋមន្រ្តី និងអ្នកតំណាងរបស់ប្រទេសសមាជិកអាស៊ានផងដែរ។

លោក Lim Jock Hoi អគ្គលេខាធិការអាស៊ាន បានថ្លែងថា ទីតាំងថ្មីរបស់អគ្គលេខាធិការដ្ឋានអាស៊ាននេះ នឹងលើកតម្កើងអាស៊ានឱ្យក្លាយជាស្ថាប័នដ៏សំខាន់មួយ នៅលើឆាកអន្តរជាតិ។ ក្នុងរយៈពេលយូរអង្វែងទៅមុខទៀត លោកជឿជាក់ថា អគ្គលេខាធិការដ្ឋានអាស៊ាន អាចបំពេញការងារកាន់តែល្អប្រសើរឡើង ជាមួយរដ្ឋជាសមាជិកអាស៊ាន ដើម្បីឆ្លើយតបនូវនិន្នាការ និងបញ្ហាសកលបច្ចុប្បន្នដែលតំបន់នេះកំពុងប្រឈម។

សូមជម្រាបថា សមាគមប្រជាជាតិអាស៊ីអាគ្នេយ៍ដែលហៅកាត់ថា អាស៊ាន ត្រូវបានបង្កើតឡើងក្នុងថ្ងៃទី០៨ សីហា ឆ្នាំ១៩៦៧ ដោយប្រទេសស្ថាបនិកចំនួន៥ រួមមានដូចជា ឥណ្ឌូណេស៊ី ម៉ាឡេស៊ី ថៃឡង់ដ៍ ហ្វីលីពីន និងសិង្ហបុរី។ បន្ទាប់មក ប្រទេស៤ បានចូលជាបន្តបន្ទាប់រួមមានប្រ៊ុយណេ (ឆ្នាំ១៩៨៤) វៀតណាម (ឆ្នាំ១៩៩៥) ឡាវ និងមីយ៉ាន់ម៉ា (ឆ្នាំ១៩៩៧) និងកម្ពុជា (ឆ្នាំ១៩៩៩)៕

ប្រភពអត្ថបទ និងរូបថត៖ ទំព័រហ្វេសប៊ុក ASEAN

ចុចអាន៖ លោក ប្រាក់ សុខុន ទៅចូលរួមសម្ពោធអគារថ្មីរបស់លេខាធិការដ្ឋានអាស៊ាន

អត្ថបទ៖ សំភី