ប្តីប្រពន្ធ២នាក់ ស្លាប់ដោយសារបាក់របងសង្កត់លើ នៅក្រុងព្រះសីហនុ

2019-08-09 06:10:20
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រុងព្រះសីហនុ-សមត្ថកិច្ចក្រុងព្រះសីហនុ ថ្លែងថា មានពលរដ្ឋ២នាក់ប្តីប្រពន្ធ បានស្លាប់ដោយសាររលំបាក់របងសង្កត់លើនៅសង្កាត់លេខ១ ក្រុងព្រះសីហនុ នាព្រឹកទី០៩ ខែសីហា ឆ្នាំ២០១៩ ក្រោយទទួលរងឥទ្ធិពលភ្លៀងធ្លាក់ខ្លាំងកាលពីយប់ថ្ងៃ ៨ ខែសីហា ឆ្នាំ២០១៩។

រូបថត៖ ផ្តល់ឱ្យ

ជនរងគ្រោះទាំងពីរនាក់ជាប្ដីប្រពន្ធធ្វើការជាកម្មករសំណង់ ក្នុងនោះបុរសជាប្តីឈ្មោះ ស៊ុន គឹមសាន្ត អាយុ៥៤ឆ្នាំ និងស្ត្រីជា ប្រពន្ធឈ្មោះ សេង ញេន អាយុ៥៦ឆ្នាំ។

សូមបញ្ជាក់ថា គិតមកត្រឹមថ្ងៃត្រង់ថ្ងៃទី៩សីហា២០១៩នេះ មានមនុស្ស៣នាក់ហើយបានស្លាប់ ក្រោយមានគ្រោះធម្មជាតិភ្លៀងធ្លាក់ខ្លាំងក្នុងខេត្តព្រះសីហនុ ក្នុងនោះ ក្រៅពីជនរងគ្រោះទាំង២នាក់នៅក្រុងព្រះសីហនុ ក៏មានជនរងគ្រោះម្នាក់ជាមេការជនជាតិចិន បានស្លាប់ដោយការរលំរបងសង្កត់លើដូចគ្នា នៅឃុំបិតត្រាំង ស្រុកព្រៃនប់។

អាជ្ញាធរខេត្តព្រះសីហនុ ក៏បានចេញការអំពាវនាវឱ្យគ្រប់ការដ្ឋានសំណង់ផ្សេងៗបង្កើនការប្រុងប្រយ័ត្ន ពិសេសបងប្អូនប្រជាពលរដ្ឋនៅតាមទីតាំងដែលប្រឈមខ្លាំង ស្របពេលដែលវិធានការសង្គ្រោះនានាកំពុងធ្វើឡើងយ៉ាងសកម្ម ក្រោមការដឹកនាំបញ្ជាផ្ទាល់ពីអភិបាលខេត្តព្រះសីហនុ ក្នុងនាមប្រធានគណៈបញ្ជាការឯកភាពរដ្ឋបាលខេត្ត៕

អត្ថបទ៖ សោភា