សត្វទន្សោងឈ្មោលមួយក្បាល ងាប់ក្នុងដែនជម្រកសត្វព្រៃ ក្នុងខេត្តឧត្តរមានជ័យ
- 2019-08-10 12:56:18
- ចំនួនមតិ 0 | ចំនួនចែករំលែក 0
សត្វទន្សោងឈ្មោលមួយក្បាល ងាប់ក្នុងដែនជម្រកសត្វព្រៃ ក្នុងខេត្តឧត្តរមានជ័យ
ចន្លោះមិនឃើញ
នៅថ្ងៃទី១០ ខែសីហា ឆ្នាំ ២០១៩ ក្រុមអភិរក្សធនធានធម្មជាតិ បានរកឃើញសត្វទន្សោង ១ក្បាលដែលជាប្រភេទសត្វកម្រ មានទម្ងន់ប្រមាណ៥០០គីឡូក្រាម បានងាប់ក្នុងដែនជម្រកសត្វព្រៃសង្សរុក្ខវន្ត នៅខេត្តឧត្តរមានជ័យ។
យោងតាមសង្ឃដីការបស់ព្រះតេជគុណ ប៊ុត សាលួត ព្រះប្រធានសហគមន៍សង្ឃរុក្ខាវ័ន ប្រចាំការនៅតំបន់ការពារធម្មជាតិនេះ សត្វទន្សោង បានងាប់ប្រហែល១ឬ២ថ្ងៃមុន ហើយគេមិនទាន់ដឹងមូលហេតុអ្វីនៅឡើយ។ ប៉ុន្តែសត្វទន្សោងនេះហាក់ដូចជាមានវ័យចំណាស់ និងនៅលើជើងឆ្វេងរបស់វា មានស្នាមធ្លាប់ជាប់អន្ទាក់ព្រានព្រែផងដែរ។
ព្រះតេជគុណ ប៊ុត សាលួត និងមន្រ្តីបរិស្ថាន បានរៀបចំធ្វើពិធីបុណ្យប័ង្សុកូលតាម ប្រពៃណីព្រះពុទ្ធសាសនា ហើយបានសម្តែងការសោកស្តាយចំពោះការបាត់បង់ធនធានជីវៈចម្រុះដ៏កម្រនៅលើពិភពលោក៕
អត្ថបទ និងរូបថត៖ ក្រសួងបរិស្ថាន