លោក លី ស៊ានឡុង៖ ភារកិច្ចដ៏សំខាន់បំផុតរបស់ខ្ញុំ គឺរៀបចំក្រុមយុវជនមួយ មកកាន់អំណាចពីខ្ញុំ

2019-08-12 02:46:44
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

«ភារកិច្ចដ៏សំខាន់បំផុតរបស់ខ្ញុំពេលនេះ គឺរៀបចំក្រុមយុវជនមួយដើម្បីកាន់អំណាចពីខ្ញុំ និងសហសេវិកខ្ញុំ ដូច្នេះសិង្ហបុរី នឹងនៅតែធានា និងបន្តជោគជ័យ ក្រោយពួកយើងចាកចេញទៅ»។ នេះជាការលើកឡើងរបស់លោក លី ស៊ានឡុង នាយករដ្ឋមន្រ្តីសិង្ហបុរី នៅលើទំព័រហ្វេសប៊ុករបស់លោកកាលពីថ្ងៃទី១០ ខែសីហា ឆ្នាំ២០១៩ ក្រោយ១ថ្ងៃនៃពិធីព្យុហយាត្រាបុណ្យជាតិសិង្ហបុរី ដែលធ្វើឡើងកាលពីថ្ងៃទី៩ ខែសីហា ឆ្នាំ២០១៩។

រូបថត៖ ហ្វេសប៊ុកលោក លី ស៊ានឡុង

លោកនាយករដ្ឋមន្រ្តីបញ្ជាក់ថា លោកមានសិទ្ធិអំណាចពេញលេញក្នុងការចូលរួមចំណែកដល់ការប្រព្រឹត្តទៅរបស់សិង្ហបុរី នៅក្នុងតួនាទីផ្សេងៗគ្នា។

ជាមួយនឹងការធ្វើព្យុហយាត្រានេះ លោក លី ស៊ានឡុង សង្ឃឹមថាវានឹងជួយជំរុញឱ្យយុវជនស្មោះស្ម័គ្របម្រើប្រទេសជាតិតាមទេពកោសល្យផ្ទាល់ខ្លួនរបស់ពួកគេ ហើយនឹងចងចាំពិធីនេះទុកក្នុងចិត្ត។

សូមជម្រាបដែរថា នៅថ្ងៃទី១២ ខែសីហា ឆ្នាំ២០១៩ គឺជាខួប១៥ឆ្នាំនៃការចូលកាន់តំណែងជានាយករដ្ឋមន្រ្តីសិង្ហបុរីទី៣ របស់លោក លី ស៊ានឡុង៕

ប្រភព៖ Straits Times ប្រែសមួល៖ សំរិទ្ធ កុម្ភៈ