ក្រសួងធនធានទឹក និងឧតុនិយម បានបិទភ្ជិតទំនប់អាងទឹកកូនសត្វ ពីការហូតដាច់ហើយ

2019-08-12 03:03:41
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រសួងធនធានទឹក និងឧតុនិយមមានចេញរបាយការណ៍ពីការទប់ទល់ការហូរដាច់នៃទំនប់អាងទឹកកូនសត្វ ឬប្រទាក់ក្រឡា ស្ថិតក្នុងឃុំកូនសត្វ ស្រុកទឹកឈូ ខេត្តកំពត។

គិតត្រឹមម៉ោង ៨:៣០នាទី ព្រឹកថ្ងៃទី១២ ខែសីហា ឆ្នាំ២០១៩ លើការងារអន្តរាគមន៍ទប់ទល់ការហូរដាច់នៃទំនប់អាងទឹកកូនសត្វ ឬប្រទាក់ក្រឡា ដោយប្រើរយៈពេលអស់ប្រមាណ ២០ម៉ោង។ នៅសល់ការងារបន្តគឺពង្រឹងកន្លែងដាច់ឲ្យបានរឹងមាំបន្ថែមតែប៉ុណ្ណោះ។

ក្នុងការទប់ស្កាត់នេះដែរការងារនេះក្រសួងធនធានទឹក និងឧតុនិយមបានប្រើគ្រឿងចក្រ ធុនធ្ងន់ចំនួន ១៤គ្រឿងរួមមាន អុិចស្កាវាទ័រដៃវែងដៃខ្លី ចំនួន ០៦គ្រឿង, រថយន្តបែនចំនួន ០៦គ្រឿង, ប៊ុដូហ្ស័រចំនួន ០១គ្រឿង និងសាហ្ស័រចំនួន ០១គ្រឿង។ ក្រៅពីនេះក៏មានសម្ភារៈជំនួយមាន កញ្ច្រែងថ្មចំនួន ១០០ដុំ និង ថ្ម-ដីប្រមាណ ៥០០ម៉ែត្រគូប។

កម្លាំងការងារសរុបដែលដឹកនាំផ្ទាល់ដោយ ឯកឧត្តមរដ្ឋមន្រ្តី, ឯកឧត្តមរដ្ឋលេខាធិការប្រចាំការ ដែលជាប្រធានមុខព្រួញប្រចាំទិស, អគ្គនាយក, ប្រធាននាយកដ្ឋាន, ប្រធានមន្ទីរកំពត-កែប, មន្ត្រីរាជការ, អ្នកបើកបរគ្រឿងចក្រ និងកម្មករ សរុបចំនួន ១០០នាក់ផងដែរ៕

រូបភាព៖ ក្រសួងធនធានទឹក និងឧតុនិយម

អត្ថបទ៖ ម៉េងងី