សម្តេច ហ៊ុន សែន បញ្ជាក់ពីចំនួនសមាជិកគ្រួសាររបស់សម្តេច

2019-08-12 10:00:59
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

សម្តេចនាយករដ្ឋមន្រ្តី ហ៊ុន សែន បានបញ្ជាក់នៅថ្ងៃទី១២ ខែសីហា ឆ្នាំ២០១៩ថា គ្រួសារសម្តេច មានចំនួនសរុប ៣២នាក់ ក្នុងនោះ ជីដូនជីតា (សម្តេច ហ៊ុន សែន និងសម្តេចកិត្តិព្រឹទ្ធបណ្ឌិត) ២នាក់ កូន ១០នាក់ (កូនបង្កើត និងកូនប្រសា) និងចៅចំនួន ២០នាក់។

រូបថត៖ ហ្វេសប៊ុកសម្តេច ហ៊ុន សែន

សម្តេចបានបង្ហោះនៅលើបណ្តាញសង្គមហ្វេសប៊ុកយ៉ាងដូច្នេះថា៖ «**កាលពីថ្ងៃទី៥ ខែសីហា ឆ្នាំ២០១៩កន្លងទៅ កូនៗនិងចៅៗបានមកជុំគ្នាខ្វះតែកូនប្រសាមួយ និងចៅស្រីមួយជាប់បំពេញការងារ និងរៀននៅក្រៅប្រទេស។ យើងតែងតែធ្វើការថតរូបទុកនៅពេលជួបជុំគ្នាម្តងៗ ដើម្បីធ្វើការប្រៀបធៀបនូវការរីកធំធាត់របស់ចៅៗពីពេលវេលាមួយទៅពេលវេលាមួយទៀត។ គ្រួសារមួយនេះពិតជាមានមនុស្សច្រើនសរុប ៣២នាក់**»។

សម្តេចបន្តថា មិនយូរប៉ុន្មានទេ សម្តេចនឹងមានចៅទួតដែលពេលនោះចំនួនកាន់តែច្រើនហើយ៕

អត្ថបទ៖ សំរិទ្ធ កុម្ភៈ