លោក ថោង ខុន ស្នើឲ្យជប៉ុនបង្កើនការវិនិយោគលើវិស័យទេសចរណ៍ថ្មីនៅកម្ពុជា
- 2019-08-13 04:21:35
- ចំនួនមតិ 0 | ចំនួនចែករំលែក 0
លោក ថោង ខុន ស្នើឲ្យជប៉ុនបង្កើនការវិនិយោគលើវិស័យទេសចរណ៍ថ្មីនៅកម្ពុជា
ចន្លោះមិនឃើញ
លោក ថោង ខុន បានស្នើដល់ភាគីជប៉ុនឲ្យជួយអភិវឌ្ឍន៍វិស័យទេសចរណ៍នៅកម្ពុជាបន្ថែម ពិសេសគឺតាមរយៈការវិនិយោគលើការបង្កើតផលិតផលទេសចរណ៍ថ្មីៗ ដោយបង្កើតតំបន់ទេសចរណ៍សម្រាប់ទេសចរចូលនិវត្ត ក៏ដូចជាការជួយកសាងផ្លូវចំនួនចូលទៅកាន់សហគមន៍ទេសចរណ៍សំខាន់ៗផងដែរ។ ការស្នើនេះធ្វើឡើងតាមរយៈលោក Hidehisa HORINOUCHI ឯកអគ្គរាជទូតជប៉ុននៅកម្ពុជាចប់អាណត្តិ។
ក្នុងនោះ នៅក្នុងឆ្នាំ២០១៨ ក្នុងចំណោម ០៦ គំរោងវិនិយោគរបស់ជប៉ុន គឺមាន ០២គំរោង វិនិយោគលើវិស័យទេសចរណ៍ ដែលមានទុនវិនិយោគដល់ជាង ៨០០លានដុល្លារអាមេរិក។ ដោយឡែក ចំនួនទេសចរណ៍ជប៉ុនដែលមកទស្សនាកម្ពុជាក៏នៅតែមានការកើនឡើងពីមួយឆ្នាំទៅមួយឆ្នាំ។
ដោយលែកនៅឆ្នាំ ២០១៨ មានចំនួនជាង ២១មុីននាក់ ក្នុងកំណើនជាង៣.៥% ហើយក្នុងរយៈពេល ០៦ខែ ដើមឆ្នាំ២០១៩ កម្ពុជាទទួលបានទេសចរជប៉ុនជាង ១០មុីននាក់ ក្នុងកំណើន ៣%។
លោកក៏បានបន្ថែមថានៅឆ្នាំ ២០១៨ កន្លងមក ក៏មានទេសចរកម្ពុជាជាង ២២.០០០នាក់ បានទៅទស្សនាប្រទេសជប៉ុនផងដែរ។ បច្ចប្បន្ននៅភ្នំពេញ មានសណ្ឋាគារដែលវិនិយោគដោយជប៉ុនចំនួន ០៩ ដែលមានសរុបជិត ១.០០០ បន្ទប់ មានភោជនីយដ្ឋានចំនួន ៥៦ ដែលមានជាង ៣.៣០០ កៅអី ផងដែរ។
ចំពោះសំណើទាំងនេះ ត្រូវបានលោក Hidehisa HORINOUCHI ទទួលយកទៅជម្រាបប្រាប់រដ្ឋាភិបាលរបស់លោកបន្ត។ លោកក៏បានបានបញ្ជាក់បន្ថែមថា រដ្ឋាភិបាលជប៉ុននៅតែបន្តកិច្ចសហប្រតិបត្តិការល្អជាមួយកម្ពុជា ក្នុងភាពជាមិត្តជិតស្និទ្ធដ៏យូរអង្វែង៕
អត្ថបទ និងរូបភាព៖ ក្រសួងទេសចរណ៍
ចុចអាន៖
ជំរឿនឆ្នាំ២០១៩បង្ហាញថាខេត្តពីរមានប្រជាជនថយចុះបន្តិចធៀបឆ្នាំ២០០៨
លោក គួច ចំរើន សំណង់អគារ ២នៅកំពង់សោមនឹងត្រូវរុះរើចេញដើម្បីធានាសុវត្ថិភាព