អាជ្ញាធរលែងឲ្យមានការក្រាលកន្ទេល ដាក់អង្រឹងលើវាលស្មៅបរិវេណអង្គរវត្ត

2019-08-13 04:37:26
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

អាជ្ញាធរជាតិអប្សរាជូនដំណឹងដល់អ្នកលក់ដូរ ភ្ញៀវទេសចរមួយចំនួនឲ្យបញ្ឈប់រាល់សកម្មភាពក្រាលកន្ទេល និងដាក់អង្រឹង ដើម្បីទទួលទាន អាហារ និងលំហែកាយនៅជុំវិញបរិវេណត្រពាំងសេស មុខប្រាសាទព្រហ្មកិល និងវាលស្មៅជុំវិញកសិន្ទុប្រាសាទអង្គរវត្ត។

សេចជូនដំណឹងមួយរបស់អាជ្ញាធរជាតិអប្សរាចុះថ្ងៃទី១៣ ខែសីហា ឆ្នាំ២០១៩ បញ្ជាក់ថាបើទោះបីជាអាជ្ញាធរបានណែនាំឲ្យបញ្ឈប់សកម្មភាពក្រាលកន្ទេល ដាក់អង្រឹងនេះ ក៏ដោយក៏នៅមានអាជីវករ និងទេសចរមួយចំនួនពុំបានអនុវត្តតាម។ សកម្មភាពទាំងនេះ អាជ្ញាធរជាតិអប្សរាបានចាត់ទុកថាធ្វើឲ្យប៉ះពាល់គុណតម្លៃបេតិកភណ្ឌវប្បធម៌ បរិស្ថាន និងសណ្ដាប់ធ្លាប់សាធារណៈនៃរមណីយដ្ឋានអង្គរ។

បើតាមសេចក្ដីជូនដំណឹង អាជ្ញាធរទុកពេលឲ្យអាជីវករ និងភ្ញៀវទេសចរមួយចំនួនរយៈពេល៤៥ថ្ងៃ គិតពីថ្ងៃជូនដំណឹងនេះ ដើម្បីបញ្ឈប់សកម្មភាពដាក់អង្រឹង ក្រាលកន្ទេល ទទួលទានអាហារ និងលំហែកាយនៅបរិវេណទាំងនេះ។ បើពុំនោះទេអាជ្ញាធរនឹងមានវិធានការរដ្ឋបាលដោយរឹបអូសសម្ភាសរៈទាំងនោះ និងមិនទទួលខុសត្រូវចំពោះការខូចខាត៕