ថៃ គ្រោងផ្តល់ការលើកលែងវីសា ដល់ជនជាតិចិន និងឥណ្ឌា

2019-08-15 02:08:16
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រសួងទេសចរណ៍ និងកីឡាថៃ កំពុងរង់ចាំការយល់ព្រមពីគណៈរដ្ឋមន្រ្តី ក្នុងការអនុញ្ញាតលើការផ្តល់ទិដ្ឋាការ (វីសា) ដល់ភ្ញៀវទេសចរចិន និងឥណ្ឌា រយៈពេល១ឆ្នាំ។ នេះបើតាមការចុះផ្សាយរបស់ Bangkok Post កាលពីថ្ងៃទី១៤ ខែសីហា ឆ្នាំ២០១៩។

រូបថត៖ វិបសាយ asia.nikkei

លោក Phiphat Ratchakitprakarn រដ្ឋមន្រ្តីក្រសួងទេសចរណ៍ថៃ បញ្ជាក់ថា ប្រសិនបើគម្រោងនេះ ត្រូវបានយល់ព្រម ការលើកលែងទិដ្ឋាការនេះ នឹងត្រូវធ្វើឡើងពីដើមខែវិច្ឆកា ឆ្នាំ២០១៩ ដល់ ថ្ងៃទី៣១ ខែតុលា ឆ្នាំ២០២០។

លោកបន្តថា ការផ្តល់វីសាដោយឥតគិតថ្លៃនេះ គឺជាគោលនយោបាយបន្ទាន់មួយ ដោយសារតែចំនួនទេសចរចូលមកប្រទេសថៃ អាចនឹងមិនគ្រប់ចំនួនគោលដៅ។

ការលើកលែងទិដ្ឋាការនេះ នឹងអនុញ្ញាតឱ្យធ្វើដំណើរនៅក្នុងប្រទេសថៃ រយៈពេល១៥ថ្ងៃ។

របាយការណ៍របស់ក្រសួងទេសចរណ៍ថៃ បានឱ្យដឹងថា ឆមាសទី១ នៃឆ្នាំ២០១៩ ថៃទទួលបានទេសចរចំនួនជាង ១៩,៧៦លាននាក់ កើនឡើង ១,៤៨ភាគរយ បើធៀបនឹងរយៈពេលដូចគ្នាកាលពីឆ្នាំមុន។ ប៉ុន្តែភ្ញៀវទេសចរចិន បែរជាធ្លាក់ចុះ ៤,៧៣ភាគរយ ពោលគឺមានចំនួនជាង ៥,៦៥លាននាក់ប៉ុណ្ណោះ៕

ប្រភព៖ Bangkokpost ប្រែសមួល៖ សំរិទ្ធ កុម្ភៈ