មូលហេតុដែល CV11 ទទួលបានពានកីឡាករល្អ

2019-08-19 07:29:16
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

កីឡាករឆ្នើមរបស់កម្ពុជា ចាន់ វឌ្ឍនាកា ទទួលបានពានជាកីឡាករល្អប្រចាំខែកក្កដាម្សិលមិញនេះមុនជំនួបរវាងក្រុមរបស់ខ្លួន បឹងកេត និង វិសាខា ប្រចាំសប្តាហ៍ទី២០ នៃពានរង្វាន់លីគកំពូលកម្ពុជា រដូវកាលឆ្នាំ២០១៩។

នេះជាលើកទីមួយហើយដែលកីឡាកររូបនេះទទួលបានងាជាកីឡាករល្អប្រចាំខែបន្ទាប់ពីរូបគេវិលត្រឡប់មកប្រកបអាជីពបាល់ទាត់របស់ខ្លួននៅកម្ពុជាវិញ។ កាលដែលទទួលបានពាននេះគឺដោយសារតែរូបគេជា Man of the Match ចំនួនពីរលើកកាលពីប្រកួតកន្លងទៅពោលគឺ ជំនួបរវាង បឹងកេត និង ក្លឹបបាល់ទាត់ភ្នំពេញក្រោន លទ្ធផល៤-៤ និងជំនួបរវាង បឹងកេត ជាមួយ ក្លឹបបាល់ទាត់អង្គថាយហ្គឺរលទ្ធផល ១-១។ ពាននេះត្រូវបានប្រគល់ជូនដោយគណៈកម្មាធិការប្រកួតបាល់ទាត់ជាតិកម្ពុជា CNCC។

រំលឹកដែរថា ខ្សែប្រយុទ្ធរូបនេះរកគ្រាប់បាល់បាន៧គ្រាប់ហើយក្នុងពានរង្វាន់លីគកំពូលកម្ពុជា។ នៅសប្តាហ៍ទី២១ ក្រុម បឹងកេត នឹងត្រូវប៉ះក្រុមកំពូលតារាង ព្រះខ័នរាជស្វាយរៀង ស្របពេលលីគនេះនៅសល់ត្រឹម ៦សប្តាហ៍ទៀតនឹងត្រូវបិទបញ្ទប់។

អត្ថបទ៖ Yorn Sovieth