វិបសាយរាជវាំងថៃគាំង ក្រោយពីបង្ហោះរូបអ្នកម្នាងរបស់ព្រះមហាក្សត្រ
- 2019-08-27 08:35:38
- ចំនួនមតិ 0 | ចំនួនចែករំលែក 0
វិបសាយរាជវាំងថៃគាំង ក្រោយពីបង្ហោះរូបអ្នកម្នាងរបស់ព្រះមហាក្សត្រ
ចន្លោះមិនឃើញ
វិបសាយរាជវាំងថៃបានគាំង កាលពីថ្ងៃទី ២៦ ខែសីហា ឆ្នាំ២០១៩ ក្រោយពីបានបង្ហោះរូបមិនដែលឃើញពីមុនរបស់អ្នកម្នាងព្រះមហាក្សត្រ ក្នុងសា្ថនភាពកំពុងបើកយន្តហោះចម្បាំង ពាក់អាវ Crop Top ហើយពាក់ឯកសណ្ឋានកងទ័ពថៃ។
ឧត្ដមសេនីយ៍ត្រី(ផ្កាយមួយ) Sineenat Wongvajirapakdi (ព្រះជន្ម ៣៤ ព្រះវស្សា) បានទទួលងារជាស្នំឯក ក្នុងអំឡុងពិធីចម្រើនព្រះជន្មទី ៦៧ របស់ព្រះមហាក្សត្រ Vajiralongkorn ពីរខែក្រោយពីការរៀបអភិសេកព្រះអង្គជាមួយ ឧត្ដមសេនីយ៍ឯក(ផ្កាយបី) Suthida Tidjai (ព្រះជន្ម ៤២ ព្រះវស្) ដែលជាមេបញ្ជាការរង កងអង្គរក្ស។
មន្ត្រីវាំងម្នាក់បាននិយាយថា វិបសាយត្រូវបានក្រុមការងារកំពុងធ្វើការជួសជុល ហើយមូលហេតុដែលធ្វើឲ្យវិបសាយនេះគាំងគឺដោយសារចំនួនមនុស្សចូលមកមើលច្រើនពេក។
រូបគួរឲ្យចាប់អារម្មណ៍ទាំងនេះគឺត្រូវបានបញ្ចេញជាមួយជីវប្រវត្តិផ្លូវការរបស់អ្នកម្នាង។ រូបខ្លះគឺអ្នកម្នាងពាក់សំលៀកបំពាក់របែបប្រពៃណីរាជវង្សថៃ អង្គុយនៅជិតព្រះស្វាមី ហើយរូបខ្លះវិញនៅកាប៊ីនបើកយន្តហោះស្លៀកពាក់ខោអាវធម្មតា Crop Top។ រូបខ្លះទៀតអ្នកម្នាងស្លៀកពាក់ឯកសណ្ឋានទាហាន សមកាំភ្លើង ឬ ត្រៀមលោតឆ័ត្រយោងជាដើម៕