លោក ដូណាល់ ត្រាំ រំខានកិច្ចប្រជុំ G7 ដោយទាមទារឲ្យអញ្ជើញរុស្សីមកវិញ

2019-08-28 04:04:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ប្រធានាធិបតីសហរដ្ឋអាមេរិក លោក ដូណាល់ ត្រាំ បានរំខានកិច្ចប្រជុំធំប្រចាំឆ្នាំជាមួយមេដឹកនាំក្រុម G7 ដោយបានទាមទារឲ្យអញ្ជើញរុស្សីមកចូលរួមកិច្ចប្រជុំនេះវិញ កាលពីល្ងាចថ្ងៃទី២៤ ខែសីហា ឆ្នាំ២០១៩។

នៅពេលដែលមេដឹកនាំផ្សេងៗកំពុងពិភាក្សាអំពីប្រធានបទក្ដៅដូចជាអគ្គីភ័យព្រៃអាម៉ាហ្សូន និងសមត្ថភាពនុយក្លេអ៊ែររបស់អ៊ីរ៉ង់ លោកត្រាំបានលើកឡើងថាគួរតែអញ្ជើញមកកិច្ចប្រជុំនេះ។

សូមរំលឹកថា រុស្សី ត្រូវបានគេបណ្ដេញចេញពីក្រុមនេះដោយសារ កាលពីឆ្នាំ ២០១៤ រុស្សីបានរំលោភច្បាប់អន្តរជាតិដោយបានកាត់យកឧបទ្វីបគ្រីមៀពីប្រទេសអ៊ុយក្រែន។

សម្ដីរបស់លោកត្រាំបានផ្ដើមការពិភាក្សាមួយ៖ «គួរផ្ដល់តម្លៃពិសេសដល់មេដឹកនាំណាមួយដោយសារប្រទេសគេជាប្រទេសប្រជាធិបតេយ្យ»។ មេដឹកនាំភាគច្រើនបានជឿជាក់យ៉ាងមុតមាំលើឃ្លានេះ អត់តែលោកត្រាំម្នាក់ឯងទេ។

បើតាមមន្ត្រីជាន់ខ្ពស់ម្នាក់ លោកត្រាំបានអោបដៃក្នុងកំហឹង និងមានអាកប្បកិរិយាកាចជាងមុន ក្រោយពីមេដឹកនាំ G7 ភាគច្រើនបានច្រានចោលសំដីរបស់លោក៕

ប្រភព៖ Businessinsider ប្រែសម្រួល៖ សុខ វេងឈាង