នាយករដ្ឋមន្ត្រី​ម៉ាឡេស៊ី​លោក Mohathir Mohamad ដែល​មាន​វ័យ ៩៤ ឆ្នាំ បាន​សាក​ល្បង​បើកបរ​រថយន្ត​ Lux SA2.0 នៅ​ក្នុង​​កម្មវិធី​បច្ចេកវិទ្យា​មួយ​ធ្វើ​ឡើង​នា​ទីក្រុង​ហាណូយ កាល​ពី​ថ្ងៃ​ទី ២៨ ខែ​សីហា។

លោក Mohathir Mohamad បាន​បើកបរ​សាក​ល្បង​លើ​ចម្ងាយ​ផ្លូវ​ ៣ គីឡូម៉ែត្រ រយៈពេល​​ប្រមាណ ៥ នាទី។ អំឡុង​ការ​សាក​ល្បង​នេះ​ ​លោក​បាន​ជាន់​រថយន្ត SUV នេះ​ដល់​ល្បឿន ១០០ គ.ម/ម៉។ ក្រោយ​ពី​បាន​បើក​សាក​រួច លោក​នាយករដ្ឋ​មន្ត្រី​រូប​នេះ​បាន​ថ្លែង​ថា ៖ "រថយន្ត​នេះ​គឺ​ខ្លាំង ឌីហ្សាញ​រូបរាង​បាន​ល្អ ប៉ុន្តែ​សោក​ស្ដាយ​ដែល​ខ្ញុំ​អាច​បើក​ត្រឹម​ ១០០ គ.ម/ម៉”។

រថយន្ត Lux SA2.0 ជា​រថយន្ត​ប្រភេទ SUV ៧ កៅអី ដែល​មាន​បំពាក់​នូវ​ម៉ាស៊ីន​ចំណុះ ២,០ លីត្រ ៤ ស៊ីឡាំង អាច​ផលិត​កម្លាំង​បាន ២២៨ សេះ ភ្ជាប់​ជា​មួយ​ប្រអប់​លេខ​ ៨ វគ្គ និង​ប្រើ​ប្រាស់​ប្រព័ន្ធ​បើកបរ​វិល​កង់ ២៕

ចុចអាន ៖ មើលតម្លៃ Rolls-Royce លក់នៅវៀតណាម មានមួយម៉ូដែលថ្លៃជាងគេតម្លៃ ២ លានដុល្លារ