សម្តេច ហ៊ុន សែន បកស្រាយរឿងបញ្ជូនពលរដ្ឋខ្មែរ ទៅធ្វើការនៅក្រៅប្រទេស
- 2019-09-18 02:08:49
- ចំនួនមតិ 0 | ចំនួនចែករំលែក 0
សម្តេច ហ៊ុន សែន បកស្រាយរឿងបញ្ជូនពលរដ្ឋខ្មែរ ទៅធ្វើការនៅក្រៅប្រទេស
ចន្លោះមិនឃើញ
សម្តេចនាយករដ្ឋមន្រ្តី ហ៊ុន សែន បានបញ្ចេញប្រតិកម្មចំពោះអ្នករិះគន់ដែលថារាជរដ្ឋាភិបាលបច្ចុប្បន្នបានបញ្ជូនពលករខ្មែរឱ្យទៅធ្វើខ្ញុំគេនៅក្រៅប្រទេស។
«ចង្រៃអី នៅប្រទេសកម្ពុជានេះ ពេលដែលយើងបានខិតខំស្វែងរកឱកាសការងារធ្វើនៅក្រៅប្រទេស ដូចជានៅកូរ៉េខាងត្បូង ជប៉ុន ថៃ ម៉ាឡេស៊ី សិង្ហបុរី បែរជាគេចាត់ទុកថាយើងបញ្ជូនមនុស្សឱ្យទៅស៊ីឈ្នួលគេ ទៅធ្វើខ្ញុំគេ។ តែឥឡូវយើងដាក់ជាសំណួរសួរមើលថា បើមិនធ្វើការទេ តើនរណាអាចរស់ទៅបាននោះ។ ធ្វើការវាមានធ្វើការក្នុងប្រទេស និងក្រៅប្រទេស។ ប៉ុន្តែពួកគេបានប្រែក្លាយបញ្ហា ការធ្វើចំណាកស្រុកទៅរកការងារធ្វើនៅក្រៅប្រទេស វាទៅជារឿងថា យើងនឹងមិនអាចដោះស្រាយបញ្ហា (ការងារ) ឱ្យប្រជាពលរដ្ឋខ្លួនឯងបាន ហើយឱ្យពលរដ្ឋខ្លួនឯងធ្វើចំណាកស្រុកទៅរកការងារធ្វើ»។
ប្រមុខរាជរដ្ឋាភិបាលបន្ថែមថា៖ «ផ្ទុយទៅវិញ ការរកការងារធ្វើនេះ គឺជាក្របខណ្ឌនៃកិច្ចខិតខំប្រឹងប្រែងរបស់អាស៊ាន។ ក្នុងក្របខណ្ឌនេះ ដំបូងគឺប្រទេសហ្វីលីពីន គឺជាប្រទេសដែលមានពលករច្រើនជាងគេក្នុងការចេញទៅធ្វើការនៅក្រៅប្រទេស»៕