រកឃើញមាស ១៣,៥ តោន នៅផ្ទះមន្ត្រីចិន សង្ស័យជាសំណូកអំពើពុករលួយ

2019-10-03 10:24:54
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

មន្ត្រីដ៏មានអំណាចម្នាក់នៅចិន ត្រូវបានសង្ស័យថាបានទទួលមាស ១៣,៥ តោន និងទឹកប្រាក់ប្រមាណ ៣៧ ពាន់លានដុល្លារ ជាថ្លៃសំណូកអំពើពុករលួយ។

ដុំមាសរាប់ពាន់ដុំត្រូវបានរកឃើញនៅផ្ទះរបស់លោក Zhang Qi មន្ត្រីជាន់ខ្ពស់នៅខេត្ត Hainan ប្រទេសចិន អំឡុងការចុះឆែកឆេរពីសំណាក់មន្ត្រីប្រឆាំងអំពើពុករលួយកាលពីដើមខែ។ ដុំមាសទាំងនេះប៉ាន់ស្មានថាអាចមានតម្លៃរហូតដល់ ៦៤០ លានដុល្លារ។

ក្រៅពីមាស គេក៏បានរកឃើញទឹកប្រាក់ ២៦៨ ពាន់លានយ័ន (ប្រមាណ ៣៧ ពាន់លានដុល្លារ) នៅក្នុងគណនីរបស់មន្ត្រីជាន់ខ្ពស់នេះផងដែរ។ ប្រសិនបើការចោទប្រកាន់អំពីអំពើពុករលួយនេះជាការពិត នោះលោក Zhang អាចមានជាងលោក Jack Ma ដែលជាបុរសមានជាងគេនៅចិនទៅទៀត។ តួលេខរបស់ Forbes បង្ហាញថាលោក Jack Ma មានទ្រព្យសម្បត្តិ ៣៧ ពាន់លានដុល្លារ។

លោក Zhang

វីដេអូដែលបានបង្ហោះចែកចាយពេញបណ្ដាញសង្គម Twitter បង្ហាញអំពីបុរសម្នាក់រាប់ដុំមាសដ៏ច្រើនសន្ធឹកនៅក្នុងបន្ទប់ ជឿជាក់ថាគឺនៅក្នុងផ្ទះដ៏ស្កឹមស្កៃរបស់លោក Zhang។ ពណ៌និងវីដេអូទាក់ទងនឹងរឿងនេះ ត្រូវបានបិទបាំងនៅក្នុងទឹកដីប្រទេសចិន។

គួរដឹងថាបច្ចុប្បន្ននេះលោក Zhang កំពុងស្ថិតក្រោមការស៊ើបអង្កេតរបស់សមត្ថកិច្ច៕

ចុចអាន ៖ វីដេអូ៖ ទស្សនាមីស៊ីល យន្តហោះ រថក្រោះ ដែលចិនដាក់ឱ្យពិភពលោកមើល នៅថ្ងៃខួបកំណើត

ប្រភព៖ Dailymail ប្រែសម្រួល៖ សុខហេង