រោងចក្របង្ហូរទឹកកខ្វក់ជំនួយរបស់ជប៉ុន នឹងត្រូវសាងសង់នៅបឹងជើងឯក
- 2019-10-04 03:02:19
- ចំនួនមតិ 0 | ចំនួនចែករំលែក 0
រោងចក្របង្ហូរទឹកកខ្វក់ជំនួយរបស់ជប៉ុន នឹងត្រូវសាងសង់នៅបឹងជើងឯក
ចន្លោះមិនឃើញ
ជប៉ុនបានផ្ដល់លុយប្រមាណជា ២,៧៧ ពាន់លានយ៉េន (ជាង ២៥លានដុល្លារអាមេរិក) សម្រាប់អនុវត្ត គម្រោង «អភិវឌ្ឍន៍ប្រព័ន្ធបង្ហូរទឹកកខ្វក់ក្នុងរាជធានីភ្នំពេញ»។ រោងចក្របង្ហូរទឹកកខ្វក់ដែលជាជំនួយឥតសំណងរបស់ជប៉ុននេះ នឹងត្រូវសាងសង់នៅបឹងជើងឯក។
ការផ្ដល់នេះធ្វើឡើងដោយ លោក ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីការបរទេស និងលោក មិកាមិ ម៉ាសាហ៊ីរ៉ូ (MIKAMI Masahiro) ឯកអគ្គរាជទូតជប៉ុនប្រចាំព្រះរាជាណាចក្រកម្ពុជា ដែលបានចុះហត្ថលេខាលើលិខិតប្ដូរសារស្ដីពីការផ្ដល់ហិរញ្ញប្បទានឥតសំណង។ ពិធីចុះហត្ថលេខានេះធ្វើឡើយ នៅថ្ងៃទី ៣ តុលា ឆ្នាំ ២០១៩ នៅទីស្ដីការក្រសួងការបរទេស និងសហប្រតិបត្តិការ អន្តរជាតិ។
សូមបញ្ជាក់ថា តាមរយៈហិរញ្ញប្បទានឥតសំណងនេះ ជប៉ុននឹងសាងសង់ស្ថានីយ៍ប្រព្រឹត្តិកម្មទឹកកខ្វក់មុននឹងបង្ហូរចូល ទៅក្នុងបឹងជើងឯងភាគខាងត្បូង រាជធានីភ្នំពេញ។ ជំនួយរបស់ជប៉ុននេះនឹងរួមចំណែកដ៏សំខាន់ដល់ការធ្វើឱ្យប្រសើរឡើង នូវបរិស្ថានរស់នៅក្នុងប្រទេសកម្ពុជា៕
ចុចអាន៖