ដើម្បីសុវត្ថិភាពភ្ញៀវ ម្ចាស់ទូក-កាណូតនៅភ្នំពេញត្រូវធ្វើរឿងទាំងនេះ
- 2019-10-08 06:44:27
- ចំនួនមតិ 0 | ចំនួនចែករំលែក 0
ដើម្បីសុវត្ថិភាពភ្ញៀវ ម្ចាស់ទូក-កាណូតនៅភ្នំពេញត្រូវធ្វើរឿងទាំងនេះ
ចន្លោះមិនឃើញ
លោក ឃួង ស្រេង អភិបាលរាជធានីភ្នំពេញ បានកំណត់ឲ្យម្ចាស់ការណូតទេសចរណ៍ទាំងអស់ ដែលស្ថិតក្នុងរាជធានីភ្នំពេញ ត្រូវតែរៀបចំជលយាន្តរបស់ខ្លួនឲ្យបានត្រឹមត្រូវ ដោយមានការបំពាក់ឧបករណ៍ការពារសុវត្ថិភាព រួមមានពោងសុវត្ថិភាព ឧបករណ៍ពន្លត់អគ្គិសភ័យ និងឧបករណ៍ សម្រាប់ជួយសង្គ្រោះអ្នកដំណើរជាដើម។ ការកំណត់នេះ បានធ្វើឡើងនៅក្នុងកិច្ចប្រជុំស្តីពីការគ្រប់គ្រងការណូតទេសចរណ៍កាលពីថ្ងៃទី៧ ខែតុលា ឆ្នាំ២០១៩។
លោកអភិបាលបានបញ្ជាក់ ការកំណត់ឲ្យម្ចាស់កាណូត ទេសចរណ៍មានឧបករណ៍ការពារសុវត្ថិភាពនេះ គឺដើម្បីធ្វើយ៉ាងណាឲ្យអ្នកទេសចរទំាងអស់ដែលជិះទូកកម្សាន្តមានភាពកក់ក្តៅ និងសប្បាយរីករាយមិនបារម្ភពីបញ្ហាគ្រោះថ្នាក់ ណាមួយកើតឡើង។ ក្រៅពីការកំណត់ឲ្យបំពាក់ឧបករណ៍សុវត្ថិភាពនេះ ម្ចាស់ជលយាន្តទេសចរណ៍ទំាងនោះត្រូវតែប្រមូលផ្តុំគ្នានៅ ចំណតកំពង់ផែតែមួយ ដែលសាលារាជធានីភ្នំពេញ នឹងរៀបចំជូនស្ថិតបរិវេណច្រាំងទន្លេនៃសួនច្បារខណ្ឌឬស្សីកែវ រាជធានីភ្នំពេញ។
លោកបន្តទៀតថា ឥឡូវត្រូវមានសេចក្តីណែនាំមន្ទីរទេសចរណ៍ត្រូវពិនិត្យលើកិច្ចការងារនេះ ត្រូវលាបពណ៌យ៉ាងម៉េចឱ្យដូចគ្នា អ្នកបើកបរត្រូវមានជំនាញច្បាស់លាស់ ហើយមានឡាយសិនត្រឹមត្រូវ មិនត្រូវចេះតែឱ្យបើកទេ ពិសេសមានពោងសុវត្ថិភាព ឧបករណ៍ពន្លត់ អគ្គិសភ័យ ដើម្បីធានាសុវត្ថិភាពជូនភ្ញៀវ៕