ប្រធានាធិបតីហុងគ្រី អរគុណរឿង២យ៉ាង ក្នុងជំនួបពិភាក្សាជាមួយសម្តេច ហ៊ុន សែន

2019-10-16 01:31:40
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

សម្ដេច ហ៊ុន សែន នាយករដ្ឋមន្ត្រី បានអញ្ជើញជួបពិភាក្សាការងារជាមួយលោក ជេណូស អាឌឺ (Janos ADER) ប្រធានាធិបតីនៃសាធារណរដ្ឋហុងគ្រី ដែលធ្វើឡើងនៅវិមានប្រធានាធិបតី Sándor Palace នៅរសៀលថ្ងៃទី១៥ ខែតុលា ឆ្នាំ២០១៩នេះ។

ក្នុងជំនួបនេះ លោក Janos ADER បានថ្លែងអំណរគុណរឿង២យ៉ាងគឺ៖

ទី១. លោកបានអរគុណចំពោះការអញ្ជើញពីព្រះមហាក្សត្រកម្ពុជា ក្នុងការមកបំពេញទស្សនកិច្ចនៅប្រទេសកម្ពុជា ដោយលោកបញ្ជាក់ថា នឹងមកបំពេញទស្សនកិច្ចផ្លូវការនៅក្នុងប្រទេសកម្ពុជា នាចុងខែតុលាខាងមុខនេះ។

ទី២. ពាក់ព័ន្ធនឹងកិច្ចប្រជុំស្ដីអំពីបញ្ហាទឹក លោកប្រធានាធិបតីពិតជាអរគុណជាអនេកចំពោះ សម្ដេចតេជោ ហ៊ុន សែន ដែលបានចែករំលែកនូវបទពិសោធន៍ ដូចជាស្ថានភាពជាក់ស្ដែងរបស់កម្ពុជា។ លោកឱ្យដឹងថា លោកបានស្ដាប់ដោយយកចិត្តទុកដាក់នូវសង្កថារបស់សម្ដេចក្នុងកិច្ចប្រជុំដែលធ្វើឡើងនៅប្រទេសហុងគ្រីនេះ កាលពីព្រឹកថ្ងៃទី១៥តុលា។

សម្ដេចតេជោ ក៏បានគូសបញ្ជាក់ថា ដោយសារតែបញ្ហាទឹកនេះគឺជាបញ្ហាសំខាន់មួយរបស់ប្រទេសកម្ពុជា ហើយកាលពីពេលថ្មីៗកន្លងទៅនេះ កម្ពុជាក៏បានបាត់បង់នូវអគ្គិសនីប្រើប្រាស់ដោយសារតែបញ្ហានៃការខ្វះទឹកនេះផងដែរ ជាពិសេសវារីអគ្គិសនីដែលកម្ពុជាមិនមានទឹកគ្រប់គ្រាន់ក្នុងការបញ្ចេញនូវថាមពលអគ្គិសនី៕

អត្ថបទ និងរូបថត៖ ហ្វេសប៊ុកសម្តេច ហ៊ុន សែន