សិស្សទាហានសាលា West Point ម្នាក់បាត់ខ្លួន

2019-10-21 04:32:49
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

សិស្សទាហានម្នាក់នៅសាលាយោធា West Point សហរដ្ឋអាមេរិក បានបាត់ខ្លួនជាមួយនឹងកាំភ្លើង M4 ១ដើម ក្រោយបើកការស្វែងរកមិនឃើញ។ នេះបើតាមការចុះផ្សាយរបស់ CNN នៅថ្ងៃទី២១ ខែតុលា ឆ្នាំ២០១៩។

សាលា West Point បានចេញសេចក្តីថ្លែងការណ៍បញ្ជាក់ថា អាជ្ញាធរជឿថា សិស្សទាហានរូបនោះ នឹងមិនយកអាវុធទៅគំរាមដល់សាធារណជនឡើយ។ គាត់អាចបង្កគ្រោះថ្នាក់ដល់ខ្លួនគាត់ផ្ទាល់។

សារព័ត៌មានខាងលើមិនបានបង្ហាញឈ្មោះសិស្សទាហានរូបនោះឡើយ ប៉ុន្តែបានត្រឹមផ្សាយថា គាត់ជាសមាជិកក្នុងថ្នាក់ ២០២១ ដោយត្រូវបានគេឃើញគាត់ចុងក្រោយបំផុត កាលពីល្ងាចថ្ងៃទី១៨ ខែតុលា។ នៅពេលគាត់មិនបានបង្ហាញខ្លួនក្នុងការប្រកួតជំនាញ មិត្តរូមថ្នាក់គាត់ បានចាប់ផ្តើមស្វែងរកគាត់ភ្លាមៗ។

ប៉ូលិស បានស្វែងរកសិស្សបាត់ខ្លួននៅតាមមន្ទីរពេទ្យដើម្បីប្រាកដថា គាត់មិនទទួលបានការព្យាបាលណាមួយឡើយ។ មិនតែប៉ុណ្ណោះ ប៉ូលិសក៏បានជិះឧទ្ធម្ភាគចក្រ និងប្រើដ្រូនដើម្បីស្វែងរកថែមទៀតផងដែរ៕

ប្រភព៖ CNN ប្រែសម្រួល៖ សំភី