[វីដេអូ] ប៉ាក់គីអៅ ឈរចែកលុយជាង ៨ម៉ឺនដុល្លារ ឲ្យពលរដ្ឋក្រីក្រនៅហ្វីលីពីន

2019-10-22 03:01:04
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

កំពូលអ្នកប្រដាល់ និងជាសមាជិកព្រឹទ្ធសភាហ្វីលីពីន Manny Pacquiao បានចែកប្រាក់ ៤,១លានប៉េសូ (ជាង ៨ម៉ឺនដុល្លារអាមេរិក) ជូនពលរដ្ឋក្រីក្រ នៅក្រុង Bacolod ប្រទេសហ្វីលីពីន អំឡុងពេលលោកទៅទស្សនាការប្រកួតបាល់បោះនៅទីនោះ កាលពីសប្ដាហ៍មុន។

Pacquiao ចែកលុយដល់ពលរដ្ឋក្រីក្រ (រូបភាព៖ panay news)

នេះជាលើកទី២ ហើយ ដែលស្ដេចប្រដាល់រូបនេះ បានបរិច្ចាគប្រាក់ទៅកាន់ពលរដ្ឋក្រីក្រ គិតត្រឹម ២ខែចុងក្រោយនេះ។ កាលពីខែមុន ស្ដេចប្រដាល់រូបនេះ បានបរិច្ចាគប្រាក់ ១,៥លានប៉េសូ ពេលលោកធ្វើដំណើរទៅទស្សនាបាល់បោះ។ ហើយកាលពីសប្ដាហ៍មុន លោកបានទៅកាន់ទីក្រុងនោះម្ដងទៀត ដើម្បីទស្សនាការប្រកួតបាល់បោះរវាងក្រុម Bacold Master Sardines ទល់នឹងក្រុម Cebu City Sharks រួចក៏បរិច្ចាគប្រាក់ ៤,១លានប៉េសូបន្ថែមទៀត។

តាមរយៈវីដេអូ គេឃើញ Pacquaio ចែកលុយទៅកាន់ពលរដ្ឋក្រីក្រ រយៈពេលដល់ទៅជិត ១ម៉ោង។ សូមទស្សនាវីដេអូខាងក្រោមនេះ៖

អត្ថបទ៖ ឈិន មិថុនា