ស្ដេចប្រដាល់ថៃ ចេញទឹកមុខមាំ គ្រាន់តែចុះពីយន្តហោះដល់ដីកម្ពុជា ព្រោះតែរឿងមួយនេះ

2019-10-26 04:00:36
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ប៊ូខាវ ដែលអ្នកស្នេហាវិស័យកីឡាករ ស្គាល់ច្បាស់ថាជា ស្ដេចប្រដាល់ថៃ បានហោះមកដល់ទឹកដីកម្ពុជា ចូលរួមការប្រកួតប្រដាល់សេរីកម្រិតពិភពលោក ម៉ាសហ្វៃ គុនខ្មែរ នៅស្ថានីយទូរទស្សន៍ ថោន នាថ្ងៃ២៧ តុលាខាងមុខនេះ។

ទឹកមុខ ប៉ូខាវ នៅអាកាសយានដ្ឋានអន្តរជាតិភ្នំពេញ (ពោធិចិនតុង)

យ៉ាងណាមិញ ជើងខ្លាំងប្រចាំប្រទេសរូបនេះ បានបាត់វ៉ាលីដាក់សម្ភារៈ និងសម្លៀកបំពាក់ផ្ទាល់ខ្លួន នៅអាកាសយានដ្ឋានអន្តរជាតិភ្នំពេញ (ពោធិចិនតុង) នារាត្រីថ្ងៃ ២៥ តុលា។ នេះបើយោងតាមប្រភពពីអ្នកនៅកន្លែងកើតហេតុនោផ្ទាល់។ ក្នុងទឹកមុខយ៉ាងមាំ ហើយខាំមាត់ឡើងរថយន្ត បន្តមកសណ្ឋាគារទាំងមិនអស់ចិត្ត ប៉ូខាវ ប្រហែលជាត្រូវទាក់ទងឲ្យក្រុមការងារផ្ទាល់របស់គេជួយរកបន្ថែមទៀត។

ប៉ូខាវ នៅលើរថយន្តទៅសណ្ឋាគារ

រីឯ ប៉ូខាវ នឹងត្រូវថ្លឹងគីឡូនាល្ងាចថ្ងៃទី ២៦ ខែតុលានេះ ដូច្នេះចម្លើយនិងរឿងរ៉ាវបាត់វ៉ាលីនេះ ក្រុមការងារនឹងបញ្ជាក់បន្ថែមឲ្យលម្អិត។ ជម្រាបជូនថា ក្រោយពីកីឡាករចិន យុន ប៊ីន រត់ចោលការប្រកួតដោយមិនអាចទាក់ទងបាន ខាងគណ:កម្មការចាប់គូរបស់ MAS FIGHT ពិភពលោក បានសម្រេចដាក់កីឡាករស្បែកខ្មៅកូនកាត់ កុងហ្គោ និងកាណាដា ឲ្យជួបប្រកួតជាមួយ ប៊ូខាវ ជំនួសវិញ។

ប៉ូខាវ នៅអាកាសយានដ្ឋានអន្តរជាតិភ្នំពេញ (ពោធិចិនតុង)

ព្រឹត្តិការណ៍ប្រកួតប្រដាល់សេរីកម្រិតពិភពលោក ម៉ាសហ្វៃ គុនខ្មែរ នៅស្ថានីយទូរទស្សន៍ ថោន នាថ្ងៃ២៧ តុលា ខាងមុខនេះមាន១០គូ ក្នុងនោះមានគូខ្មែរប្រកួតជាមួយខ្មែរ ៣គូ និងគូខ្មែរប្រកួតជាមួយបរទេស និងបរទេសជាមួយបរទេសមានចំនួន ៧គូ។ ម៉ាសហ្វៃ គុនខ្មែរ ជាការប្រកួតប្រដាល់សេរី មានតែមួយទឹករយ: ៩នាទី មានតែអាជ្ញាកណ្តាល ១រូប មិនមានគណ:កម្មការដាក់ពិន្ទុ ប្រសិនបើការប្រកួតផ្តួលដៃគូឲ្យសុំចុះចាញ់ ឬសន្លប់ មិនបានទេ មានន៏យថាលទ្ធផលស្មើគ្នា៕