ក្រសួងប្រាប់អាកាសធាតុកម្ពុជា នឹងបន្តមានភ្លៀងធ្លាក់ចាប់ពីដើមខែ វិច្ឆិកា

2019-10-28 01:47:34
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រសួងធនធានទឹក និងឧតុនិយម បានជួនដំណឹងបន្ថែមពីស្ថានភាពអាកាសធាតុតាមរយះការតាមដាននូវលក្ខណៈអាកាសធាតុជាប្រចាំក្នុងតំបន់ និងដោយឡេកសម្រាប់កម្ពុជា បានបង្ហាញឲ្យឃើញថា៖

មានសម្ពាធទាបសកម្មមួយ (Active Low Pressure) កំពុងចូលមកដល់សមុទ្រចិនចាងត្បូង។
សម្ពាធសកម្មនេះ និងវិវត្តខ្លួនជាលំដាប់ទៅជាកូនព្យុះ (Tropical Strom) ទី ២២ ដែលអាចមានឈ្មោះ ម៉ាត់ម៉ូ (MATMO) ចូលដល់ភាគខាងត្បូង វៀតណាម នៅថ្ងៃទី៣១ ខែតុលា។ ហើយព្យុះនេះនឹងបន្ថយឥទ្ធិពលទៅជាសម្ភាធសកម្ម (Active Low) រួចចូលមកកម្ពុជាយើងភាគខាងត្បូងនៅថ្ងៃទី ១ វិច្ឆកា។

ស្ថានភាពនេះធ្វើឲ្យ ចាប់ពីថ្ងៃទី ១ ដល់ ៧ ខែវិច្ឆិកា បណ្ដាលរាជធានីខេត្តនានា នឹងមានភ្លៀងធ្លាក់ រាយប៉ាយជាបន្តបន្ទាប់ ក្នុងនោះមាន៖

តំបន់វាលទំនាបកណ្ដាល តំបន់មាត់សមុទ្រ និងអាចមានភ្លៀងធ្លាក់រាយប៉ាយ នៅក្នុងកម្រិតបរិមាណពីបង្គួរទៅច្រើន។
បណ្ដាលខេត្តដទៃទៀត នឹងមានភ្លៀងធ្លាក់រាយប៉ាយនៅក្នុងកម្រិតបរិមាណពីមធ្យមទៅបង្គួរ។

អាស្រ័យស្ថានភាពបែបនេះ សូមបងប្អូនប្រជាពលរដ្ឋ មានការប្រុងប្រយ័ត្នចំពោះ ភ្លៀង ផ្គរ រន្ទះ ខ្យល់កន្ត្រាក់ និងរល់សមុទ្រខ្លាំង៕

អត្ថបទ៖ ម៉េងងី