កម្ពុជា ត្រៀមបើកការដ្ឋានសាងសង់ផ្លូវជាតិលេខ២

2019-10-28 03:55:35
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក ស៊ុន ចាន់ថុល ទេសរដ្ឋមន្រ្តី រដ្ឋមន្រ្តីក្រសួងសាធារណការ និងដឹកជញ្ជូន បានបង្ហាញក្តីរំពឹងថា ការបើកការដ្ឋានសាងសង់ផ្លូវជាតិលេខ២ និងលេខ២២ គ្រោងនឹងធ្វើឡើងនៅក្នុងអំឡុងខែវិច្ឆិកា ឬខែធ្នូ ឆ្នាំ២០១៩ខាងមុខ។ ការថ្លែងនេះ ធ្វើឡើងក្នុងពេលលោកចុះត្រួតពិនិត្យស្ថានភាពកំណាត់ផ្លូវជាតិលេខ៣ កាលពីថ្ងៃទី២៧ ខែតុលា ឆ្នាំ២០១៩។

រូបថត៖ ក្រសួងសាធារណការ និងដឹកជញ្ជូន

លោកថ្លែងទៅកាន់អ្នកសារព័ត៌មានយ៉ាងដូច្នេះថា៖ «**ក្រុមហ៊ុនកូរ៉េ គេកំពុងតែរៀបចំបញ្ជូនគ្រឿងចក្រមក ហើយយើងខ្ញុំសង្ឃឹមថា នឹងបើកការដ្ឋាននៅខែ១១ ឬខែ១២ ជាពិសេសយើងសុំពេលវេលាសម្តេចអគ្គមហាសេនាបតីតេជោ ហ៊ុន សែន**»។

គម្រោងធ្វើឱ្យប្រសើរឡើងវិញផ្លូវជាតិលេខ២ និងផ្លូវលេខ២២ មានប្រវែងសរុប ៧២,១៧គីឡូម៉ែត្រ ឆ្លងកាត់រាជធានី-ខេត្តចំនួន៣ រួមមានខេត្តកណ្តាល រាជធានីភ្នំពេញ និងខេត្តតាកែវ។

រូបថត៖ Google Map

កាលពីថ្ងៃទី២៥ ខែមិថុនា ឆ្នាំ២០១៩ ក្រសួងសាធារណការ និងដឹកជញ្ជូន បានចុះហត្ថលេខាជាមួយនឹងក្រុមហ៊ុនកូរ៉េ Hanshin Engineering and Construction Co., Ltd លើកិច្ចសន្យាសាងសង់គម្រោងធ្វើឱ្យប្រសើរឡើងវិញផ្លូវជាតិនេះ។ គម្រោងនេះ គឺស្ថិតក្រោមឥណទានពីធនាគរនីហរ័ណអាហរ័ណកូរ៉េ (Export-Import Bank of Korea) នៃមូលនិធិសហប្រតិបត្តិការអភិវឌ្ឍន៍សេដ្ឋកិច្ច (EDCF) ដែលមានចំនួនទឹកប្រាក់សរុប ៥៦ ១០០ ០០០ ដុល្លារអាមេរិក (Loan Agreement)។ ដោយឡែកពិធីចុះហត្ថលេខាថ្ងៃនេះ គឺមានទំហំទឹកប្រាក់សរុបចំនួន ៤៥ ៧៥០ ០០០ដុល្លារអាមេរិក៕

ចុចអាន៖

អត្ថបទ៖ សំភី