Messi ប្រាប់ត្រង់ៗថា "នឹក Ronaldo កាលលេងនៅអេស្ប៉ាញ”

2019-11-02 04:33:57
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ខ្សែប្រយុទ្ធ Lionel Messi បានបង្ហើបឲ្យដឹងថា រូបគេនឹកនាដល់អតីតខ្សែប្រយុទ្ធក្លឹប Real Madrid កីឡាករ Cristiano Ronaldo ដែលធ្លាប់ជាគូប្រជែងរបស់ខ្លួន កាលលេងនៅទឹកដីអេស្ប៉ាញក្នុងលីគ Laliga។ នេះបើយោងតាមការបញ្ជាក់ដោយផ្ទាល់ដោយ Messi ក្នុងពេលផ្ដល់បទសម្ភាសន៍ជាមួយវិទ្យុ FM Club 947 ក្នុងប្រទេសអាហ្សង់ទីន។

Messi និង Ronaldo ក្នុងជំនួប El Clasico ឆ្នាំ ២០១៧ | រូបភាព៖ goal

ខ្សែប្រយុទ្ធក្លឹប FC Barcelona រូបនេះបានបន្ថែមទៀតថា "ខ្ញុំតែងគោរពក្លឹប Juventus ។ ពួកគេមានក្រុមបាល់ទាត់ដ៏អស្ចារ្យមួយ ជាពិសេសពេលដែលមានវត្តមាន Ronaldo ហើយថែមទាំងអាចវាយបកយកឈ្នះក្លឹប Atletico Madrid ធ្វើឲ្យក្រុមកាន់តែមានភាពជឿជាក់ និងជាបេក្ខភាពឈានមុខក្នុងការឈានដល់វគ្គផ្ដាច់ព្រ័ត្រ និងឈ្នះពានរង្វាន់ UCL រដូវកាលនេះ។" តែយ៉ាងណា Messi សង្ឃឹមថា ក្លឹប FC Barcelona ក៏នឹងឈានដល់វគ្គផ្ដាច់ព្រ័ត្រដូចគ្នា ហើយនឹងមានអ្វីកើតឡើងបន្ទាប់ទៀត។

Messi និង Ronaldo ក្នុងជំនួប El Clasico | រូបភាព៖ goal

នៅពេលដែលពិធីករសួរថា តើ Messi គិតថា នរណាជាកីឡាករល្អបំផុត? Messi ឆ្លើយថា "ខ្ញុំគិតថា Neymar, [Kylian] Mbappe, [Eden] Hazard, Luis Suarez និង [Sergio] Aguero សុទ្ធតែជាកីឡាករល្អជាងគេពេលបច្ចុប្បន្ន”៕

ប្រភព៖ Goal ប្រែសម្រួល៖ រក្សា