បុណ្យអុំទូក៣ថ្ងៃ ភ្ញៀវទេសចរដើរលេងកម្សាន្តមានជិត ៦លាននាក់

2019-11-14 01:48:22
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ព្រះរាជពិធីបុណ្យអុំទូក អកអំបុក លយប្រទីប សំពះព្រះខែ រយៈពេល ៣ថ្ងៃ (១០-១២ វិច្ឆិកា ឆ្នាំ២០១៩) បានបញ្ចប់ដោយមានភ្ញៀវទេសចរណ៍ និងបងប្អូនប្រជាពលរដ្ឋដែលដើរកម្សាន្តនៅតាមគោលដៅទេសចរណ៍នានាតាមបណ្តារាជធានី-ខេត្តជាច្រើន។

សម្រាប់ថ្ងៃឈប់សម្រាកព្រះរាជពិធីបុណ្យអុំទូក នេះដែរមានភ្ញៀវទេសចរណ៍ និងបងប្អូនប្រជាពលរដ្ឋដែលដើរកម្សាន្ត សរុបប្រមាណ ៥ ៨១៦ ៧១១ នាក់ក្នុងអត្រាកំណើនប្រមាណ ៧,២៦ % ក្នុងនេះមាន៖

ភ្ញៀវជាតិប្រមាណ ៥ ៧២៧ ១៦៣ នាក់ ក្នុងអត្រាកំណើន ៧,២១%។
ភ្ញៀវអន្តរជាតិប្រមាណ ៨៩ ៥៤៨ នាក់ ក្នុងអត្រាកំណើន ១០,៦១%។

ដោយឡែកក្នុងតួលេខ រាជធានីភ្នំពេញដែលជាទីតាំងប្រារព្ធពិធី ទទួលបានភ្ញៀវមកកម្សាន្តប្រមាណ ៤ ៧៨១ ៤៤៦ នាក់ កើនឡើង ៥,១៦% ក្នុងនោះ៖

ភ្ញៀវជាតិមានចំនួនប្រមាណ ៤ ៧៥០ ០០០ នាក់ កើនឡើងប្រមាណ ៥,១១%។
ភ្ញៀវអន្តរជាតិមានចំនួនប្រមាណ ៣១ ៤៤៦ នាក់ កើនឡើងប្រមាណ ១៣,៩៤%។

សម្រាប់ខេត្តដែលមានភ្ញៀវទេសចរណ៍ និងបងប្អូនប្រជាពលរដ្ឋដែលដើរកម្សាន្តច្រើនជាងគេគឺខេត្តសៀមរាបដែលមានភ្ញៀវជាតិ ២៥០ ០០០ នាក់ និងភ្ញៀវអន្តរជាតិមាន ២៦ ៥៧៧ នាក់ សរុបចំនួន ២៧ ៦៥៧៧ នាក់៕