អេហ្ស៊ីប លេងវគ្គជម្រុះពានប្រចាំទ្វីបអាហ្វ្រិកដោយគ្មាន Superstar ម្នាក់

2019-11-14 02:36:51
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

កីឡាករឆ្នើមសញ្ជាតិអេហ្ស៊ីប Mohamed Salah នឹងអវត្តមានក្នុងការប្រកួត វគ្គជម្រុះពានធំប្រចាំទ្វីបអាហ្វ្រិក (Africa Cup of Nations 2021) បន្ទាប់ពីមានរបួសកជើង។ ចំណែក អេហ្ស៊ីប នៅពូល G ត្រូវប៉ះជាមួយកេនយ៉ានៅថ្ងៃទី ១៤ ខែវិច្ឆិកា វេលាម៉ោង ១១ យប់នេះហើយ។

Mohamed Salah របួសជាថ្មីពេលប៉ះជាមួយ Man City /skysport

ម្ចាស់អាវលេខ ១០ រដូវកាលនេះត្រូវបានគេឃើញថា ញុំញីដោយរបួសខ្លាំង។ កាលពីខែតុលាកន្លងទៅ រូបគេបានប៉ះជាមួយកីឡាករ Hamza ChoudhuryLei ក្រុម Leicester City។

ដោយឡែក ពេលទើបនឹងជារបួសថ្មីថ្មោង នៅជំនួបកាលសប្ដាហ៍ទី ១២ គ្រាដែល Liverpool ត្រូវជួប Manchester City រូបគេបានចូលលេងស្ទើរពេញតង់ តែបានប្តូរចេញនៅនាទី ៨៧ ហើយក៏បានទៅប៉ះគ្នាជាមួយ Fernadinho បង្កឲ្យរបួសម្តងទៀត ចំកន្លែងចាស់ អំឡុងពេលក្រុមខ្លួនបាននាំមុខ ២-១ ទៅហើយ។

ក្រោយរួមចំណែកជួយក្រុមនៅអង់គ្លេស Liverpool លេងឈ្នះគូប្រជែងពិតមែន ប៉ុន្តែ Salah នឹងមិនបានជួយជម្រើសជាតិរបស់ខ្លួនបានឡើយ ត្រូវរង់ចាំការព្យាបាលរបួសសិន។ Salah ក៏អាចនឹងមិនបានលេងពេលប៉ះក្រុម Crystal Palace នៅថ្ងៃ ២៣ វិច្ឆិកានេះ ជាមួយនិងកាតព្វកិច្ចជួយជម្រើសជាតិផងដែរ។

Salah ពាក់ឧបករណ៍ការពារក-ជើងនៅកន្លែងហ្វឹកហាត់ក្នុងប្រទេសអេហ្ស៊ីប /skysport

សម្រាប់ពានរង្វាន់ Africa Cup of Nations ឆ្នាំ ២០២១ កាមារ៉ូន ទទួលសិទ្ធធ្វើជាម្ចាស់ផ្ទះ។ ចំណែកក្រុមការពារតំណែងជើងឯកគឺ អាល់ហ្សេរី ដោយបានយកឈ្នះ សេណេហ្គាល់ នៅវគ្គផ្តាច់ព្រ័ត្រកាលពីឆ្នាំ ២០១៩ កន្លងទៅ៕

អត្ថបទទាក់ទង៖

ប្រភព៖ Liverpool FC ប្រែសម្រួល៖ រក្សា