សម្តេច ហ៊ុន សែន ជំរុញឱ្យប្រទេសដទៃ ដកបទពិសោធន៍ប្រវត្តិសាស្រ្តពីកម្ពុជា
- 2019-11-19 03:04:19
- ចំនួនមតិ 0 | ចំនួនចែករំលែក 0
សម្តេច ហ៊ុន សែន ជំរុញឱ្យប្រទេសដទៃ ដកបទពិសោធន៍ប្រវត្តិសាស្រ្តពីកម្ពុជា
ចន្លោះមិនឃើញ
សម្តេចនាយករដ្ឋមន្រ្តី ហ៊ុន សែន បានជំរុញឱ្យប្រទេសដទៃ ដកមេរៀនបទពិសោធន៍ប្រវត្តិសាស្រ្តកម្ពុជា ពិសេសក្នុងអំឡុងសម័យសង្គ្រាម និងរបបខ្មែរក្រហម ដែលមិនមែនសម្រាប់តែការរៀនសូត្ររបស់ពលរដ្ឋខ្មែរឡើយ។ ការថ្លែងនេះ ធ្វើឡើងក្នុងពិធីបើកកិច្ចប្រជុំកំពូលអាស៊ីប៉ាស៊ីហ្វិកលើកទី២ នៅវិមានសន្តិភាព នាព្រឹកថ្ងៃទី១៩ ខែវិច្ឆិកា ឆ្នាំ២០១៩។
សម្តេចបានមានប្រសាសន៍យ៉ាងដូច្នេះថា៖ «យើងខ្ញុំចាប់ផ្តើមពីបាតដៃទទេ ពីការបំផ្លិចបំផ្លាញមួយ ដែលនៅលើពិភពលោក នៅចុងសតវត្សទី២០ ពុំមានប្រទេសណាមួយ ដែលទទួលការបំផ្លិចបំផ្លាញ ច្រើនដូចជានៅកម្ពុជានោះទេ។ បន្ថែមលើសនោះ យើងខ្ញុំត្រូវទទួលទណ្ឌកម្មដ៏អយុត្តិធម៌ ពីសំណាក់ប្រទេសមួយចំនួន រាប់ទាំងប្រទេសដែលតាំងខ្លួនប្រជាធិបតេយ្យថែមទៀត ដែលគាំទ្រឱ្យពួកប្រល័យពូជសាសន៍ប៉ុលពត បានអង្គុយនៅអង្គការសហប្រជាជាតិ ពីឆ្នាំ១៩៧៩ រហូតដល់ឆ្នាំ ១៩៩១។ រឿងនេះគឺជារឿងបទពិសោធន៍ មិនគ្រាន់តែកម្ពុជាទេ ក៏ប៉ុន្តែពិភពលោកគួរតែត្រូវស្វែងយល់ឱ្យបានច្បាស់ អំពីឥរិយាបថរបស់ខ្លួន ក្នុងទំនាក់ទំនងជាមួយប្រទេសដទៃ ដែលខ្លួនបានប្រព្រឹត្តទៅលើប្រទេសទាំងនោះ»៕