កម្ពុជា សម្រេចបង្កើតទំនាក់ទំនងការទូតជាមួយប្រទេសមួយដែលស្ថិតនៅទ្វីបអាមេរិក
- 2019-11-20 04:56:18
- ចំនួនមតិ 0 | ចំនួនចែករំលែក 0
កម្ពុជា សម្រេចបង្កើតទំនាក់ទំនងការទូតជាមួយប្រទេសមួយដែលស្ថិតនៅទ្វីបអាមេរិក
ចន្លោះមិនឃើញ
កម្ពុជា និង បាបាដុស (Barbados) (ស្ថិតក្នុងតំបន់ការ៉ាបីននៃអាមេរិកខាងជើង) បានសម្រេចបង្កើតទំនាក់ទំនងការទូតនឹងគ្នា ក្នុងគោលបំណងជំរុញការយោគយល់គ្នាទៅវិញទៅមក និងពង្រឹងចំណងមិត្តភាព និងកិច្ចសហប្រតិបត្តិការរវាងប្រជាជនទាំងពីរ។
ការចុះហត្ថលេខានេះ ធ្វើឡើងដោយលោក កែវ សុវណ្ណ ឯកអគ្គរាជទូតកម្ពុជា ប្រចាំអង្គការសហប្រជាតិ និងជាតំណាងរាជរដ្ឋាភិបាលកម្ពុជា និងលោកស្រី ហេន រីតា អេលីហ្សាបែត ថូមសិន ឯកអគ្គរាជទូតបាបាដុស ប្រចាំអង្គការសហប្រជាជាតិ តំណាងរដ្ឋាភិបាលបាបាដុស នៅក្រុងញ៊ូវយ៉ក កាលពីថ្ងៃទី១១ ខែវិច្ឆិកា ឆ្នាំ២០១៩។
ការបង្កើតទំនាក់ទំនងការទូតនេះ គឺដោយឈរលើលើគោលការណ៍ និងគោលបំណងនៃធម្មនុញ្ញអង្គការសហប្រជាជាតិ និងច្បាប់អន្តរជាតិ ជាពិសេសក្នុងគោលបំណងគោរព និងពង្រឹងសន្តិសុខ និងសន្តិភាពអន្តរជាតិ សមភាពរវាងរដ្ឋ និងរដ្ឋ អធិបតេយ្យភាពជាតិ ឯករាជ្យភាព សន្ធិសញ្ញាអន្តរជាតិ បូរណភាពទឹកដី និងការមិនជ្រៀតជ្រែកកិច្ចការផ្ទៃក្នុងរវាងរដ្ឋ និងរដ្ឋ៕