ប្រជាពលរដ្ឋដែលរស់នៅលើទឹក បានបម្លាស់ទីមកនៅលើគោក ប្រមាណ ៨០%ហើយ
- 2019-11-20 08:01:01
- ចំនួនមតិ 0 | ចំនួនចែករំលែក 0
ប្រជាពលរដ្ឋដែលរស់នៅលើទឹក បានបម្លាស់ទីមកនៅលើគោក ប្រមាណ ៨០%ហើយ
ចន្លោះមិនឃើញ
ផែនការបន្លាស់ទីផ្ទះបណ្តែតទឹកជាង២ពាន់ខ្នងឡើងគោកនៅក្នុងក្រុងកំពង់ឆ្នាំងជិត បានជោគជ័យហើយ ដោយ បច្ចុប្បន្ននេះអាជ្ញាធរខេត្តកំពុងជំរុញឲ្យក្រុមហ៊ុនមួយដែលទទួលម៉ៅការចាក់ដីរៀបចំទីតាំងភូមិថ្មីមួយនៅក្នុងភូមិដំបូកកកោះ ឃុំស្វាយជ្រុំ ស្រុករលាប្អៀរ ខេត្តកំពង់ឆ្នាំង ឲ្យបានរួចរាល់នៅក្នុងរដូវប្រាំងឆ្នាំ ២០១៩ និងឆ្នាំ២០២០ខាងមុខនេះ ដើម្បីរៀបចំឲ្យប្រជាពលរដ្ឋដែលបានបន្លាស់ទីផ្ទះទឹកឡើងមករសនៅលើ គោកវិញដើម្បីសាងសង់ផ្ទះរស់នៅជុំគ្នានៅក្នុងភូមិថ្មីដែលកំពុងរៀបចំខាងលើនេះ។
លោក ស៊ុន សុវណ្ណារិទ្ធ អភិបាលរងខេត្តនិងជាប្រធាន គណៈកម្មការបន្លាស់ទីផ្ទះបណ្តែតទឹកក្រុងកំពង់ឆ្នាំង បានឲ្យដឹងថា ដោយអនុវត្តន៍តាមផែនការបន្លាស់ទីផ្ទះបណ្តែតទឹក កន្លងមកតាមសំណើររបស់អាជ្ញាធរខេត្ត ប្រមុខរាជរដ្ឋាភិបាលបានធ្វើអនុប្រយោគកាត់ដីលិច ទឹកនៅភូមិដំបូកកកោះ ឃុំស្វាយជ្រុំ ចំនួន ៤០ហិកតាប្រគល់អោយអាជ្ញាធរខេត្ត រៀបចំទីតាំងភូមិថ្មីមួយ សម្រាប់ផ្តល់ដីជូនប្រជាពលរដ្ឋបន្លាស់ទីផ្ទះបណ្តែតទឹកជាង២ ពាន់គ្រួសារ មានខ្មែរ វៀតណាម និងឥស្លាមនៅក្នុងក្រុងកំពង់ឆ្នាំង ឲ្យឡើងមករស់នៅលើគោកវិញ ។
លោក អភិបាលរងខេត្ត បានឲ្យដឹងទៀតថាមក ដល់ពេលនេះមានប្រជាពលរដ្ឋប្រមាណ ៨០%ហើយបានអូសបង្គឿងផ្ទះទឹករបស់ខ្លួន រស់នៅលើខ្នងកោះចំការជាប់មាត់ទន្លេក្នុងភូមិទី៧ សង្កាត់ខ្សាម ក្រុងកំពង់ ឆ្នាំង ជាង១ឆ្នាំមកហើយ។ ដោយឡែកនៅក្នុងទន្លេគឺមានផ្ទះទឹក ដែលមានបែរចិញ្ចឹមត្រីនៅពីក្រោមជាង២០០ខ្នងទៀតតាមផែនការតម្រូវឲ្យអ្នករស់នៅលើបែរត្រីទាំងអស់នោះឡើង មករស់នៅលើគោកវិញ គឺអនុញ្ញាតឲ្យទុកបែរត្រីចិញ្ចឹមនៅក្នុងទន្លេ តែត្រូវរុះដំបូលចេញ និងបង្គន់អនាម័យចេញផងដែរ។
ចំពោះការជុំរុញក្រុមហ៊ុនម៉ៅការចាក់ដីរៀបចំទីតាំងខាងលើនេះ គឺតំណាងសមាគមន៍ប្រជាពលរដ្ឋ បានចរចារជាមួយក្រុមហ៊ុនចាក់ដីត្រូវគ្នាហើយគឺខាងក្រុម ហ៊ុនត្រូវចាក់ដីអោយរួចរាល់សិន ទើបទូរទាត់លុយជាក្រោយ ។ ដូច្នេះតាមគម្រោងនៅក្នុងឆ្នាំ ២០២០នេះក្រសួងសាធារណៈការ និងផ្តល់ថវិកាជួយកសាងផ្លូវកៅស៊ូ២ ខ្សែជាង៧គីឡូម៉ែត្រ ចេញពីទីតាំងភូមិថ្មីនេះហើយនៅពេលធ្វើផ្លូវរួចរាល់ និងរៀបចំប្រពន្ធ័ទឹកស្អាតអគ្គីសនី នឹងរៀបចំតបណ្តាញឲ្យស្របតាមគោល នយោបាយអភិវឌ្ឍន៍ របស់ប្រមុខរាជរដ្ឋាភិបាល៕