មូលហេតុដែលខោខូវប៊យខ្លះមានហោប៉ៅតូចបន្ថែមពីក្នុង
- 2019-11-27 08:08:57
- ចំនួនមតិ 0 | ចំនួនចែករំលែក 0
មូលហេតុដែលខោខូវប៊យខ្លះមានហោប៉ៅតូចបន្ថែមពីក្នុង
ចន្លោះមិនឃើញ
មនុស្សជាច្រើនតែងសង្កេតឃើញថា ខោស្លៀកចេញពីរោងចក្រ លក់តាមផ្សារជាច្រើន ជាពិសេសខោខូវប៊យ ដែលតែងមានបន្ថែមហោប៉ៅតូចមួយដេរភ្ជាប់ពីក្នុងហោប៉ៅខោចំហៀង ក្លាយជាចម្ងល់មួយ។ ហេតុអ្វីបានជាគេបន្ថែមហោប៉ៅតូចនោះ? មានគោលបំណងអ្វី?
តាមរយៈវិបសាយ របស់ក្រុមហ៊ុនផលិតសំលៀកបំពាក់ល្បីរបស់សហរដ្ឋអាមេរិក Levi Strauss & Co. ជាពិសេសផលិតផល ខោខូវប៊យស្លាកសញ្ញា Levi's ដែលគ្រប់គ្នាពេញនិយមស្លៀក បានបង្ហាញមូលហេតុខ្លីៗ ថាហោប៉ៅតូចនោះ គឺជា ហោប៉ៅដាក់នាឡិកា។ ក្រៅពីនោះ ហោប៉ៅតូចដែលមនុស្សគ្រប់គ្នាធ្លាប់ដាក់ចុងម្រាមដៃស៊កចូលលេងនោះ គឺមានអត្ថប្រយោជន៍ជាច្រើនទៀត ដូចជាសម្រាប់ដាក់របស់របរតូចៗរាប់ទាំង កាក់ ឈើគូស សំបុត្រ ស្រោមអនាម័យកុំឲ្យជ្រុះទៅណា។
វិបសាយ Levi's ដែលរៀបរាប់ដោយលោក Tracey Panek បន្ថែមទៀតថា ហោប៉ៅតូចបន្ថែមនោះគឺជាម៉ូដពេញនិយម មានតាំងពីសម័យឆ្នាំ ១៨៧៩ លើខោខូវប៊យស៊េរីចាស់ ខោខូវប៊យខៀវ ដែលមានហោប៉ៅក្រោយមួយ និងហោប៉ៅចំហៀង ពីរ បូកទាំងហោប៉ៅតូចពីក្នុងមួយនោះផង៕