ប្រយ័ត្នទិញប៉ះចំបង្គាចាក់ចាហ៊ួយ កុំភ្លេចប្រាប់ម៉ាក់អ្នកឲ្យមើលតាមវិធីទាំងនេះ

2019-11-29 04:55:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ចង់ចំណេញ អ្នកលក់បានប្រើវិធីចាក់ចាហ៊ួយក្នុងបង្គា តែវិធីនេះធ្វើឲ្យប៉ះពាល់សុខភាពរបស់អ្នកបរិភោគយ៉ាងខ្លាំង។ រហូតមានអ្នកខ្លះស្មាលាលែងហ៊ានហូបបង្គាបន្តទៀត។ តែកុំបារម្ភអី កញ្ញា សូមចែករំលែករបៀបមើលបង្គាបែបធម្មជាតិ និងចាក់ចាហ៊ួយ ខុសគ្នាដូចម្តេច។

ជាទូទៅ អ្នកលក់តែងចាក់ចាហ៊ួយចូលបង្គាត្រង់ពោះដែលមានស្នាមខ្មៅឆ្នូតរបស់បង្គា។ ដូច្នេះពេលទិញ កុំភ្លេចមើលឲ្យដិតដល់។ បង្គាចាក់ចាហ៊ួយច្រើនតែធ្ងន់ សាច់រឹង ហើយខ្លួនវាត្រង់ ខុសពីបង្គាធម្មជាតិមានលក្ខណៈទន់ និងខ្លួនកោង។ បន្ថែមពីនេះ អ្នកមិនគួរយកបង្គាដែលក្បាលនិងខ្លួនវាមើលទៅធំមិនសមាត្រគ្នាឡើយ។ បង្គាចាក់ចាហ៊ួយពេលត្រាំទឹក ច្រើនតែរួញចូលគ្នា ហើយសាច់វាពេលចម្អិនរសជាតិភ្លាវៗមិនផ្អែមឆ្ងាញ់ឡើយ។ បើជួបប្រទះបង្គាបែបនេះ ត្រូវតែបោះចោលកុំស្តាយនៅបរិភោគទៀត ព្រោះធ្វើឲ្យកើតជំងឺបាន។

ក្រៅពីនេះ បើអ្នកប៉ះចំបង្គាធម្មជាតិហើយចង់រក្សាបង្គាទាំងនោះឲ្យស្រស់និងទុកបានយូរ គួរអនុវត្តតាមវិធីនេះ៖ យកបង្គាទាំងនោះទៅលាងទឹកឲ្យស្អាត បន្ទាប់មកញាត់វាម្តងមួយៗចូលដបទឹក។ ប៉ុន្តែមិនត្រូវដាក់ច្រើនណែនពេញដបនោះទេ។

បន្ទាប់មក ចាក់ទឹកចូលក្នុងដបនោះហើយបិទគម្របឲ្យជិតកុំឲ្យខ្យល់ចូល។ រួចយកវាទៅដាក់ក្នុងទូទឹកកក នោះមិនត្រឹមតែគ្មានក្លិនភាយឆ្អាបពេញទូទេ ថែមទាំងរក្សាបានយូរថ្ងៃនិងស្រស់ល្អទៀតផង។

បើអ្នកចង់យកបង្គាក្នុងដបនេះមកធ្វើម្ហូប ត្រូវបើកគម្របវាចេញ ហើយចាក់ទឹកធម្មតាចូលឲ្យបានលឿនបំផុត។ បន្ទាប់មក យកកាំបិតកាត់ដបទឹកជាពីរ រួចអ្នកអាចយកបង្គាស្រស់ទាំងនោះមកធ្វើម្ហូបបានហើយ៕

ចុចអាន៖ ទឹកដូងមានគុណប្រយោជន៍ តែបើផឹកតាមវិធីនេះ មិនខុសពីផឹកថ្នាំពុល

ប្រភព៖ myeva ប្រែសម្រួល៖ លឹម សុនា