កម្ពុជា ទទួលធ្វើម្ចាស់ផ្ទះរៀបចំកិច្ចប្រជុំកំពូលអាស៊ីអឺរ៉ុបលើកទី ១៣ ឆ្នាំ២០២០

2019-12-05 03:36:25
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោកឧបនាយករដ្ឋមន្ត្រី ប្រាក់ សុខុន រដ្ឋមន្ត្រីក្រសួងការបរទេសបានដឹកនាំកិច្ចប្រជុំ ក្រុមការងារអន្តរក្រសួងដើម្បីរៀបចំកិច្ចប្រជុំកំពូលអាស៊ីអឺរ៉ុបលើកទី១៣ ឆ្នាំ២០២០ នៅថ្ងៃទី៥ ខែធ្នូ ឆ្នាំ២០១៩ នៅទីស្តីការក្រសួងការបរទេស។

កិច្ចប្រជុំនេះ មានការចូលរួមពីសំណាក់នាយឧត្តមសេនីយ៍ វង្ស ពិសេន អគ្គមេបញ្ជាការកងយោធពលខេមរភូមិន្ទ លោកឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរង និងជាមេបញ្ជាការកងទ័ពជើងគោក នាយឧត្តមសេនីយ៍ សៅ សុខា មេប៉េអឹមលើផ្ទៃប្រទេស រួមទាំងាំងមន្ត្រីក្រសួង ស្ថាប័នដែលពាក់ព័ន្ធ។

កិច្ចប្រជុំអាស៊ី-អឺរ៉ុប ជាវេទិកាសន្ទនាដែលមានគោលដៅជំរុញ និងលើកស្ទួយកិច្ចសហប្រតិបត្តិការជិតស្និទ្ធរវាងប្រទេសអាស៊ី និងអឺរ៉ុប ដែលឈរលើគោលការណ៍ស្មើភាពគ្នា និងដើម្បីប្រយោជន៍រួម។ សមាជិកនៃវេទិកានេះមានប្រទេសអាស៊ី និងអឺរ៉ុបសរុបទាំងអស់ ៥១ បូកជាមួយលេខាធិការដ្ឋានអាស៊ាន និង សហភាពអឺរ៉ុប។

នេះគឺជាលើកទី១ហើយ តាំងពីឆ្នាំ ១៩៩៦មក ដែលកម្ពុជាបានទទួលធ្វើជាម្ចាស់ផ្ទះកិច្ចប្រជុំកំពូលអាស៊ីអឺរ៉ុប ដែលរៀបដែលរៀបចំធ្វើ២ឆ្នាំម្តង។

កិច្ចប្រជុំនេះ គឺជាការបើកផ្លូវឲ្យមានជំនួបពិភាក្សាក្នុងក្របខណ្ឌតំបន់ និងសកលលោកទាំងមូល រួមមានទាំងបញ្ហានយោបាយ ការទូត ការអភិវឌ្ឍ បរិស្ថាន អាកាសធាតុ ការលើកកម្ពស់សមភាពស្រ្តី និងកុមារី ការផ្សារភ្ជាប់ទំនាក់ទំនងរវាងអាស៊ី និងអឺរុប សន្តិសុខ ការទប់ស្កាត់ភេរវកម្ម ជនអន្តោប្រវេសន៍ សេដ្ឋកិច្ច ការវិនិយោគ ទេសចរណ៍ និងបច្ចេកវិទ្យាព័ត៌មានវិទ្យាជាដើម។

ប្រមុខដឹកនាំរដ្ឋាភិបាលកម្ពុជាសម្តេចនាយករដ្ឋមន្ត្រី ហ៊ុន សែន បានបង្ហាញមោទនភាពក្នុងការទទួលរៀបចំជំនួបអាស៊ីអឺរុបលើកទី ១៣នៅពេលខាងមុខ។ ឆ្លៀតឱកាសនៅក្នុងកិច្ចប្រជុំអាស៊ីអឺរុបលើកទី១២ សម្តេចតេជោ ហ៊ុន សែន កបានអញ្ចើញប្រមុខរដ្ឋ ប្រមុខរដ្ឋាភិបាលនៃប្រទេសផ្សេងទៀត ឲ្យមកចូលរួមក្នុងកិច្ចប្រជុំពេលកម្ពុជាធ្វើជាម្ចាស់ផ្ទះផងដែរ។

សូមបញ្ជាក់ថា កិច្ចប្រជុំអាស៊ីអឺរុបលើកទី១២ បានធ្វើឡើងក្នុងទីក្រុងព្រុចសែល ប្រទេសបែលហ្ស៊ិក ក្រោមការរៀបចំ ដោយសហភាពអឺរុប និងមានលោកប្រធានក្រុមប្រឹក្សាអឺរុប Donald Tusk ជាប្រធាន។ កិច្ចប្រជុំ បានចាបបានចាប់ផ្តើមពីថ្ងៃទី១៨-១៩ ខែតុលា ឆ្នាំ២០១៨។ កិច្ចប្រជុំនេះ មានការចូលរួមពីប្រមុខរដ្ឋ រដ្ឋាភិបាល និងតំណាងមន្ត្រីជាន់ខ្ពស់នៃប្រទេសក្នុងតំបន់អាស៊ី និងអឺរុបចំនួន ៥១ និងធ្វើឡើងក្រោមប្រធានបទ «អឺរ៉ុប និងអាស៊ី៖ ដៃគូសកលសម្រាប់បញ្ហាប្រឈមសកល»៕

អត្ថបទ៖ កុសល