ខេត្ត ២ ត្រជាក់ខ្លាំងសីតុណ្ហភាពត្រឹម ១៥ អង្សាសេ
- 2019-12-06 02:41:52
- ចំនួនមតិ 0 | ចំនួនចែករំលែក 0
ខេត្ត ២ ត្រជាក់ខ្លាំងសីតុណ្ហភាពត្រឹម ១៥ អង្សាសេ
ចន្លោះមិនឃើញ
នៅព្រឹកថ្ងៃទី ៦ ខែធ្នូនេះ ខេត្តមណ្ឌលគីរី និងរតនគីរី មានសីតុណ្ហភាពទាបជាងខេត្តដទៃទៀតនៅកម្ពុជា ពោលត្រឹម ១៥ អង្សាសេប៉ុណ្ណោះ។ នេះបើផ្អែកតាមវិបសាយនាយកដ្ឋានឧតុនិយម នៃក្រសួងធនធានទឹក និងឧតុនិយម។
ការព្យាករណ៍របស់នាយកដ្ឋានឧតុនិយមបានបង្ហាញថានៅពេលព្រឹកថ្ងៃសៅរ៍ សីតុណ្ហភាពខេត្តទាំងពីរមានត្រឹម ១៥ អង្សាសេ ហើយពេលរសៀលសីតុណ្ហភាពឡើងដល់ ២៥ អង្សាសេ និងពេលយប់ចុះមក ១៧ អង្សាសេសម្រាប់ខេត្តរតនគីរី ហើយខេត្តមណ្ឌលគីរីនៅត្រឹម ១៨ អង្សាសេ។
តាមសេចក្តីជូនដំណឹងរបស់ក្រសួងធនធានទឹក និងឧតុនិយម កាលពីថ្ងៃទី១ ខែធ្នូកន្លងទៅ បានបញ្ជាក់ថាការចុះត្រជាក់នេះ គឺដោយសារតែឥទ្ធិពលនៃការធ្លាក់ចុះជ្រលងសម្ពាធខ្ពស់ពីប្រទេសចិន គួបផ្សំនឹងខ្យល់មូសុងឦសានខ្លាំង បាននឹងកំពុងមានឥទ្ធិពលជាបន្តបន្ទាប់មកលើកម្ពុជា៕
ចុចអាន ៖ ភ្នំពេញ នឹងចុះត្រជាក់ដល់ ២១អង្សារសេ ចាប់ពីថ្ងៃទី៥ ដល់ ៩ ខែធ្នូ