សម្តេច ស ខេង ឲ្យសម្ដេចក្រុមព្រះពន្យារពេលធ្វើសមាជនៅថ្ងៃទី២៣ ខែធ្នូ

2019-12-20 00:39:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានប្រាប់ទៅសម្ដេចក្រុមព្រះ នរោត្តម រណឫទ្ធិ ប្រធានគណបក្សហ៊្វុនស៊ិនប៉ិច ពន្យារពេលនៃការរៀបចំធ្វើសមាជវិសាមញ្ញរបស់គណបក្សជាបណ្ដោះអាសន្នសិនរហូតដល់គណបក្សបានសម្របសម្រួលដោះស្រាយបញ្ហាផ្ទៃក្នុងរបស់គណបក្សចប់សព្វគ្រប់ជាមុនសិន។ នេះបើយោងតាមលិខិតសម្ដេចក្រឡាហោម ស ខេង ចុះថ្ងៃទី១៩ ខែធ្នូ ឆ្នាំ២០១៩។

តាមគម្រោងគណបក្សហ៊្វុនស៊ិនប៉ិច គ្រោងរៀបចំធ្វើសមាជវិសាមញ្ញនៅថ្ងៃទី២៣ ខែធ្នូ ឆ្នាំ២០១៩ ខាងមុខនេះ ដើម្បីកែសម្រួលរចសម្ព័ន្ធផ្ទៃរបស់ខ្លួន។

សម្តេចក្រឡាហោម ស ខេង បានទូលថ្វាយសម្តេចក្រុមព្រះ នរោត្តម រណឫទ្ធិ ថាក្រសួងមហាផ្ទៃ បានទទួលនូវលិខិតជូនដំណឹងស្តីពីការរៀបចំធ្វើសមាជវិសាមញ្ញរបស់គណបក្សហ៊្វុនស៊ិនប៉ិច ដែលគ្រោងរៀបចំឡើងនៅថ្ងៃទី២៣ ខែធ្នូ ឆ្នាំ២០១៩ខាងមុខនេះ។

ពាក់ព័ន្ធនឹងករណ៏នេះ ក្រសួងមហាផ្ទៃ ស្នើឲ្យគណបក្សហ៊្វុនស៊ិនប៉ិច ពន្យារពេលនៃការរៀបចំធ្វើសមាជវិសាមញ្ញរបស់គណបក្សជាបណ្ដោះអាសន្នសិនរហូតដល់គណបក្សបានសម្របសម្រួលដោះស្រាយបញ្ហាផ្ទៃក្នុងរបស់គណបក្សចប់សព្វគ្រប់ជាមុនសិន។

ទន្ទឹមនឹងនេះក្រសួងមហាផ្ទៃ ស្នើសុំឲ្យគណបក្សត្រូវអនុវត្តតាមប្រការ២៤ នៃលក្ខន្តិកៈរបស់គណបក្សដែលបានតម្កល់ទុកនៅក្រសួងមហាផ្ទៃ និងលិខិតលេខ១៥២៥ សជណ ចុះថ្ងៃទី១០ ខែកញ្ញា ឆ្នាំ២០១៨ របស់ក្រសួងមហាផ្ទៃ៕

អត្ថបទ៖ កុសល