ភ្ញៀវទេសចរជាតិ-អន្តរជាតិ ទៅលេងសៀមរាបក្នុងថ្ងៃឆ្លងឆ្នាំសាកល កើនឡើង ៤,៣៣%
- 2020-01-02 02:20:35
- ចំនួនមតិ 0 | ចំនួនចែករំលែក 0
ភ្ញៀវទេសចរជាតិ-អន្តរជាតិ ទៅលេងសៀមរាបក្នុងថ្ងៃឆ្លងឆ្នាំសាកល កើនឡើង ៤,៣៣%
ចន្លោះមិនឃើញ
ភ្ញៀវទេសចរជាតិ-អន្តរជាតិ សរុបប្រមាណជា ២៩៦ ៣២២នាក់ បានចូលមកទស្សនាខេត្តសៀមរាប ក្នុងថ្ងៃឆ្លងឆ្នាំសាកល ដែលមានការកើនឡើង ៤,៣៣% បើប្រៀបធៀបរយៈពេលដូចគ្នាឆ្នាំ២០១៨ ដែលមានចំនួន ២៨៤ ០៣១នាក់ នេះបើតាមរបាយការណ៍របស់មន្ទីរទេសចរណ៍ ខេត្តសៀមរាប។
ក្នុងឱកាសនោះដែរ រដ្ឋបាលខេត្តសៀមរាប គឺបានរៀបចំសម្រាប់ភ្ញៀវទេសចរជាតិ និងអន្តរជាតិ ចូលរួមកម្សាន្តចូលឆ្នាំថ្មី ឆ្នាំសាកល គ.ស. ២០២០ នៅសួនច្បារព្រះរាជដំណាក់ នារាត្រីថ្ងៃទី៣១ ខែធ្នូ ឆ្នាំ២០១៩ នៅសួនច្បារព្រះរាជដំណាក់ ដែលមានរៀបចំតុបតែងភ្លើងលម្អ របាំ-តន្ត្រីបុរាណ សម័យ ការដាក់លក់ផលិតផល និងអាហារ។ ព្រមទាំងពិធីរាប់ថយក្រោយ (Countdown) ឆ្លងឆ្នាំ២០១៩ ចូលឆ្នាំថ្មី ឆ្នាំសកល គ.ស.២០២០ ដោយមានអុជកាំជ្រួចអបអរសាទរ៕