មុខរបស់ ប៉ាវចិន ពិតជាខ្មៅញូញ និងមានព្រះចន្ទមួយចំណិតនៅលើថ្ងាសមែនឬទេ?
- 2020-01-06 01:06:29
- ចំនួនមតិ 0 | ចំនួនចែករំលែក 0
មុខរបស់ ប៉ាវចិន ពិតជាខ្មៅញូញ និងមានព្រះចន្ទមួយចំណិតនៅលើថ្ងាសមែនឬទេ?
ចន្លោះមិនឃើញ
តុលាការមុខដែក ប៉ាវចិន (Bao Zheng) គឺមន្ត្រីមួយរូបនៅក្នុងជំនាន់រជ្ជកាលសុង ដែលមានភាពល្បីល្បាញខ្លាំងដោយសារតែការកាត់ក្ដីឥតលម្អៀងរបស់គាត់។ សាច់រឿងរបស់លោកត្រូវបានក្រុមទូរទស្សន៍យកមកថតជាភាពយន្តភាគ ហើយទទួលបានគាំទ្រយ៉ាងខ្លាំងពីសំណាក់អ្នកទស្សនា។ ភាពយន្តដំបូងបង្អស់ថតដោយក្រុមហ៊ុនទូរទស្សន៍តៃវ៉ាន់ Chinese Television System Inc. នៅឆ្នាំ១៩៧៤ ដោយដំបូងឡើយគ្រោងថតតែ៣០ភាគប៉ុណ្ណោះ តែត្រូវបានពន្លាតរហូតដល់ ៣៥០ភាគឯណោះ ព្រោះមានការគាំទ្រច្រើន។ ក្រោយមកៗទៀត ក៏មានការថតសាជាថ្មីជាហូរហែនៅឆ្នាំ១៩៨៧ ១៩៩៣ ២០០៣ ២០០៨ និងចុងក្រោយនៅឆ្នាំ២០១០។
អ្វីដែលយើងតែងកត់សម្គាល់ចំពោះតួអង្គរបស់ ប៉ាវចិន គឺថាលោកមានមុខខ្មៅងងឹតខ្លាំង ហើយនៅចំកណ្ដាលថ្ងាសមានរូបព្រះចន្ទមួយចំណិតថែមទៀតផង។ តើតុលាការមុខដែករូបនេះពិតជាមានមុខខ្មៅញូញ និងព្រះចន្ទនៅចំថ្ងាសប្រាកដដែរឬទេ?
សូមបញ្ជាក់ថា លោកម្ចាស់ ប៉ាវ កើតនៅថ្ងៃទី១១ ខែមេសា ឆ្នាំ៩៩៩ ក្នុងស្រុក Hefei ខេត្ត Anhui ប្រទេសចិន។ លោកបានទទួលមរណភាពនៅថ្ងៃទី២០ ខែឧសភា ឆ្នាំ១០៦២ ក្នុងវ័យ៦២ឆ្នាំ។ មុនស្លាប់ លោកម្ចាស់ ប៉ាវចិន បានបន្សល់ទុកបណ្ដាំមួយទៅកាន់ក្រុមគ្រួសាររបស់លោកថា៖ "កូនចៅជំនាន់ក្រោយរបស់ខ្ញុំមួយណាក៏ដោយឲ្យតែប្រព្រឹត្តអំពើពុករលួយក្នុងនាមជាមន្ត្រី នឹងមិនត្រូវអនុញ្ញាតឲ្យឈានជើងចូលក្នុងផ្ទះ ឬបញ្ចុះសពនៅផ្នូរដូនតាឡើយ។ នរណាដែលមិនគោរពតាមបណ្ដាំរបស់ខ្ញុំគឺមិនជាកូនចៅរបស់ខ្ញុំនោះទេ"៕