បុរសម្នាក់យកដុំថ្មគប់ចូលភូមិគ្រឹះសម្ដេចនាយករដ្ឋមន្ត្រី
- 2020-01-09 01:21:52
- ចំនួនមតិ 0 | ចំនួនចែករំលែក 0
បុរសម្នាក់យកដុំថ្មគប់ចូលភូមិគ្រឹះសម្ដេចនាយករដ្ឋមន្ត្រី
ចន្លោះមិនឃើញ
ប៉ូលិសបានឃាត់ខ្លួនបុរសម្នាក់ បានយកដុំថ្មគប់ចូលភូមិគ្រឹះសម្តេចនាយករដ្ឋមន្ត្រី ហ៊ុន សែន ដែលស្ថិតនៅជិតវិមានឯករាជ្យ ស្ថិតក្នុងសង្កាត់ចតុមុខ ខណ្ឌដូនពេញ រាជធានីភ្នំពេញ កាលថ្ងៃទី៨ ខែមករា ឆ្នាំ២០២០។
បន្ទាប់ពីធ្វើសកម្មភាពគប់ដុំថ្មចូល កម្លាំងអង្គរក្សដែលឈរយាមនៅខាងក្រៅរបងបានចាប់ឃាត់មនុស្សម្នាក់នោះ បញ្ជូនឲ្យប៉ុស្តិ៍នគបាលសង្កាត់ចតុមុខ។ បុរសជាជនដៃដល់ដែលហ៊ានយកដុំថ្មគប់ចូលភូមិគ្រឹះសម្តេចនាយករដ្ឋមន្ត្រី មានឈ្មោះ ឈ្មោះ រុំ ពិសិដ្ឋ ភេទប្រុស អាយុ៣១ឆ្នាំ ជនជាតិខ្មែរ មុខរបរនៅផ្ទះ ទីលំនៅភូមិក្បាលកោះទាវ ឃុំសំពៅពួន ស្រុកកោះធំ ខេត្តកណ្តាល។
ប៉ុស្តិ៍នគបាលសង្កាត់ចតុមុខបានបញ្ជូនខ្លួនបុរសម្នាក់នេះ ទៅនាយកដ្ឋានកណ្តាលសន្តិសុខ ក្រសួងមហាផ្ទៃ ដើម្បីចាត់ការតាមនិតិវិធី។ ទាក់ទងករណីនេះ មិនមានការបញ្ជាក់អំពីការខូចខាតទ្រព្យសម្បត្តិអស់ប៉ុន្មាននៅក្នុងភូមិគ្រឹះសម្តេចនាយករដ្ឋមន្ត្រី ហ៊ុន សែន នោះទេ៕