កាន់តែធ្ងន់ធ្ងរ! ជំងឺថ្មីមកពីចិន ឥឡូវរាលដាលដល់អាមេរិកហើយ
- 2020-01-22 02:41:59
- ចំនួនមតិ 0 | ចំនួនចែករំលែក 0
កាន់តែធ្ងន់ធ្ងរ! ជំងឺថ្មីមកពីចិន ឥឡូវរាលដាលដល់អាមេរិកហើយ
ចន្លោះមិនឃើញ
សហរដ្ឋអាមេរិក បានប្រកាសនៅថ្ងៃទី២១ ខែមករា ឆ្នាំ២០២០ អំពីករណីទី១នៃជំងឺថ្មីនៅលើទឹកដីខ្លួន ដែលមានប្រភពមកពីក្រុងវ៉ូហានប្រទេសចិន។
អ្នកដែលឆ្លងជំងឺនេះ គឺជាបុរសម្នាក់វ័យខ្ទង់ ៣០ឆ្នាំ រស់នៅក្នុងរដ្ឋវ៉ាស៊ីងតោន។ ទោះជាយ៉ាងណា គាត់នៅស្ថានភាពល្អប្រក្រតីនៅឡើយ ដោយគាត់បានដឹងខ្លួនជាមុនតាមរយៈការអានតាមសារព័ត៌មាន រួចទៅជួបអាជ្ញាធរ។
មន្រ្តីសុខាភិបាលប្រចាំរដ្ឋវ៉ាស៊ីងតោន បានឱ្យដឹងថា បុរសរូបនោះ កំពុងស្ថិតក្រោមការតាមដានសុខភាពយ៉ាងដិតដល់ ដើម្បីចៀសវាងនូវការឆ្លង ប៉ុន្តែជំងឺគាត់មិនធ្ងន់ធ្ងរឡើយ។
សូមជម្រាបថា បុរសខាងលើ បានត្រឡប់មកពីក្រុងវ៉ូហាន ទៅអាមេរិកវិញកាលពីថ្ងៃទី១៥ ខែមករា ឆ្នាំ២០២០ គឺ២ថ្ងៃប៉ុណ្ណោះ មុនពេលដែលមន្រ្តីសុខាភិបាលអាមេរិក ចាប់ផ្តើមដាក់ស្កេនអ្នកដំណើរនៅតាមព្រលានយន្តហោះធំៗ។
បើតាមការចុះផ្សាយរបស់សារព័ត៌មានចិន People's Daily បានឱ្យដឹងថា គិតមកដល់ពេលនេះ មានករណីឆ្លងជំងឺនេះចំនួន ៤៤០ករណីហើយ ក្នុងនោះមាន ៩នាក់បានស្លាប់៕