លោក James Garfield ជាប្រធានាធិបតីអាមេរិកដំបូងគេបង្អស់ និងមុនសតវត្សទី២០ ដែលអាចប្រើប្រាស់ដៃឆ្វេងសម្រាប់សរសេរអក្សរបាន។ នេះបើយោងតាមការចុះផ្សាយរបស់សារព័ត៌មាន Business Insider។ លោក James ត្រូវគេរាយការណ៍ថា លោកអាចប្រើប្រាស់បានទាំងដៃស្ដាំ និងដៃឆ្វេងនៅក្នុងពេលតែមួយបាន។ ជាពិសេសជាងនេះទៅទៀត លោកបានប្រើដៃឆ្វេងសរសេរភាសាក្រិក ខណៈដែលដៃស្ដាំប្រើសម្រាប់សរសេរភាសាឡាតាំង។
លោក James Garfield ប្រធានាធិបតីអាមេរិកទី២០
ពាណិជ្ជកម្ម
ក្រៅពីលោក James Garfield ដែលជាប្រធានាធិបតីអាមេរិកទី២០នោះ ក៏នៅមានប្រធានាធិបតីក្រោយៗមកទៀតចំនួន ៧រូប ដែលជាមនុស្សប្រើប្រាស់ដៃឆ្វេងសម្រាប់សរសេរអក្សរផងដែរ។ ប្រធានាធិបតីទាំងនោះមានដូចជា៖
លោក Herbert Hoover ប្រធានាធិបតីអាមេរិកទី៣១៖ មុនក្លាយជាប្រធានាធិបតី លោក Herbert គឺជាវិស្វកររ៉ែនៅក្នុងប្រទេសចិន។
លោក Herbert Hoover ប្រធានាធិបតីអាមេរិកទី៣១
លោក Harry S. Truman ប្រធានាធិបតីអាមេរិកទី៣៣៖ កាលពីកុមារភាព លោក Harry ជាមនុស្សសរសេរដោយដៃឆ្វេង តែក្រោយមកលោកត្រូវឪពុកម្ដាយបង្ខំឲ្យប្រើដៃស្ដាំវិញ។
លោក Ronald Reagan ប្រធានាធិបតីអាមេរិកទី៤០៖ លោកជាមនុស្សសរសេរដោយដៃឆ្វេង តែត្រូវគ្រូបង្រៀននៅសាលារៀនបង្ខំឲ្យមកប្រើដៃស្ដាំវិញ។
លោក Ronald Reagan ប្រធានាធិបតីអាមេរិកទី៤០
លោក George H.W. Bush ប្រធានាធិបតីអាមេរិកទី៤១៖ លោកជាប្រធានាធិបតីទី២ជាប់គ្នារបស់អាមេរិកដែលប្រើប្រាស់ដៃឆ្វេងសរសេរអក្សរ។ អំឡុងពេលបោះឆ្នោតឆ្នាំ១៩៩២ បេក្ខភាពប្រធានាធិបតីអាមេរិក៣រូបរួមមាន លោក George H.W. Bush លោក Bill Clinton និងលោក Ross Perot សុទ្ធតែប្រើដៃឆ្វេង។
លោក George H.W. Bush ប្រធានាធិបតីអាមេរិកទី៤១
លោក Bill Clinton ប្រធានាធិបតីអាមេរិកទី៤២៖ លោកជាប្រធានាធិបតីទី៣ជាប់គ្នារបស់អាមេរិកដែលប្រើប្រាស់ដៃឆ្វេង។