ក្រសួងបញ្ចេញវីដេអូផ្លូវជាតិលេខ២ មុនបើកការដ្ឋានពង្រីកផ្លូវនៅថ្ងៃស្អែក
- 2020-02-10 02:10:59
- ចំនួនមតិ 0 | ចំនួនចែករំលែក 0
ក្រសួងបញ្ចេញវីដេអូផ្លូវជាតិលេខ២ មុនបើកការដ្ឋានពង្រីកផ្លូវនៅថ្ងៃស្អែក
ចន្លោះមិនឃើញ
នៅព្រឹកថ្ងៃទី១០កុម្ភៈនេះ ក្រសួងសាធារណការ និងដឹកជញ្ជូន បានបញ្ចេញវីដេអូមួយបង្ហាញពីផ្លូវជាតិលេខ២ និងលេខ២២ ដែលគ្រោងនឹងបើកការដ្ឋាននៅថ្ងៃទី១១ ខែកុម្ភៈ ឆ្នាំ២០២០ថ្ងៃស្អែកនេះ ក្រោមអធិបតីភាពសម្តេច ហ៊ុន សែន។
សូមជម្រាបជូនថា ផ្លូវជាតិលេខ២ មានប្រវែងសរុបចំនួន ៦២,៥៦គីឡូម៉ែត្រ គិតចាប់ពីរង្វង់មូលតាខ្មៅ-អូរចំបក់ ដល់រង្វង់មូលក្រុងដូនកែវ ខេត្តតាកែវ និងផ្លូវជាតិលេខ ២២ មានប្រវែងសរុបចំនួន ៩,៦១ គីឡូម៉ែត្រ ចាប់គិតពីរង្វង់មូលក្រុងដូនកែវ ដល់អង្គតាសោម ផ្លូវជាតិលេខ ៣។
គម្រោងសាងសង់ជួសជុលធ្វើឲ្យប្រសើរឡើងផ្លូវជាតិទាំងពីរខ្សែនេះនឹងត្រូវសាងសង់ដោយក្រុមហ៊ុន Hanshin Engineering & Construction Co., Ltd ក្រោមក្របខណ្ឌឥណទានពីសាធារណរដ្ឋកូរ៉េ។
គម្រោងនេះបែងចែកជា៣កំណាត់ផ្លូវធំៗមានដូចជា៖
-កំណាត់ទី១៖ ចាប់ផ្តើមចេញពីរង្វង់មូលតាខ្មៅ ដល់រង្វង់មូលស្រ្តីបីកួរស្រូវ ដែលមានប្រវែង ៨,៧គ.ម។ ពង្រីកពី ២គន្លង ទៅ ៤គន្លង ដែលនៅតំបន់ទីប្រជុំជន ប្រវែង ៤,៣គ.ម មានទទឹងផ្លូវ ១៥ម និងក្រៅតំបន់ទីប្រជុំជនមានទទឹងផ្លូវ ២០,៥ម។ កំណាត់ផ្លូវនេះក្រាលបេតុងកៅស៊ូ (AC) ដែលមានកម្រាស់ ១២ស.ម។
-កំណាត់ទី២៖ ចាប់ផ្តើមពីរង្វង់មូលស្រ្តីបីកួរស្រូវ ដល់រង្វង់មូលអូរចំបក់ ដែលមានប្រវែង ៥៣,៨១គ.ម ស្ថិតក្នុងតំបន់ជនបទ។ កំណាត់ផ្លូវនេះមាន ២គន្លង និងទទឹង ១៣ម ក្រាលបេតុងកៅស៊ូ (AC) ដែលមានកម្រាស់ ១០ស.ម។
-កំណាត់ទី៣៖ ចាប់ផ្តើមពីរង្វង់មូលអូរចំបក់ ដល់ផ្សារអង្គតាសោម (ផ្លូវជាតិលេខ២២) ដែលមានប្រវែង ៩,៦គ.ម ស្ថិតក្នុងតំបន់ជនបទ។ កំណាត់ផ្លូវនេះ មានទំហំទទឹងផ្លូវសរុប ១៣ម ក្រាលបេតុងកៅស៊ូ (AC) ដែលមានកម្រាស់ ១០សម៕
សូមទស្សនាវីដេអូ៖