អាមេរិក ត្រៀមបង្កើតក្បាលគ្រាប់នុយក្លេអ៊ែរថ្មី

2020-02-11 08:27:45
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

រដ្ឋបាលដូណាល់ ត្រាំ បានបញ្ចេញផែនការថវិកាឆ្នាំ២០២១ កាលពីថ្ងៃទី១០ ខែកុម្ភៈ ឆ្នាំ២០២០ ក្នុងនោះគឺបានលាតត្រដាងពីការចំណាយលើការបង្កើតក្បាលគ្រាប់នុយក្លេអ៊ែរ បាញ់ចេញពីនាវាមុជទឹក ឈ្មោះថា W93។

ផែនការនេះគឺជាផ្នែកមួយនៃសុំបង្កើនថវិកាយោធាដល់ ១៩,៨ពាន់លានដុល្លារ សម្រាប់រដ្ឋបាលសន្តិសុខនុយក្លេអ៊ែរជាតិ ភ្នាក់ងារផ្នែកថាមពលដែលរក្សាគ្រាប់នុយក្លេអ៊ែរ និងការអភិវឌ្ឍក្បាលគ្រាប់នុយក្លេអ៊ែរថ្មី។

ជាមួយគ្នានោះ អាមេរិក ក៏គ្រោងនឹងអភិវឌ្ឍមីស៊ីលចម្ងាយមធ្យម ដែលត្រូវបានហាមឃាត់ក្នុងសន្ធិសញ្ញាកម្លាំងនុយក្លេអ៊ែរជាមួយរុស្ស៊ី ប៉ុន្តែអាមេរិក បានដកខ្លួនចេញវិញ កាលពីឆ្នាំមុន។

ដើម្បីប្រជែងជាមួយនឹងអាវុធរុស្ស៊ីដែលកំពុងរីកដុះដាល រដ្ឋបាលដូណាល់ ត្រាំ ក៏គ្រោងស្នើថវិកា ប្រមាណ ៣,២ពាន់លានដុល្លារ សម្រាប់អភិវឌ្ឍអាវុធលឿនជាងសំឡេងផងដែរ៕

ប្រភព៖ nytimes ប្រែសម្រួល៖ សំភី