រដ្ឋាភិបាលស្វីស នៅតែបន្តជួយលុយ ៤លានដុល្លារក្នុង ១ឆ្នាំដល់មន្ទីរពេទ្យគន្ធបុប្ផា

2020-02-12 08:08:55
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោកស្រី ការីន សាឡឺណូ Carin SALERN ឯកអគ្គរដ្ឋទូតស្វីស បានបញ្ជាក់ថារដ្ឋាភិបាលស្វីសបានផ្ដោតសំខាន់ទៅលើវិស័យសុខាភិបាលដែលជួយទៅលើសុខភាពកុមារ,សុវត្ថិភាពស្បៀង,វិស័យកសិកម្ម។ ចំពោះវិស័យសុខាភិបាលនៅកម្ពុជាស្វីសនៅតែបន្តគាំទ្រដល់ថវិកាប្រចាំឆ្នាំចំនួន ៤លានហ្វ្រង់ស្វីស ដែលស្មើនឹង ៤លានដុល្លារក្នុង ១ឆ្នាំដល់មន្ទីរ ពេទ្យគន្ធបុប្ផាបើទោះបីជាបច្ចុប្បន្ននេះមន្ទីរពេទ្យគន្ធបុប្ផាត្រូវបានគ្រប់គ្រងដោយវេជ្ជបណ្ឌិតជនជាតិខ្មែរក៏ដោយ។ ការលើកឡើងនេះធ្វើឡើងកល្នុងជំនួបជាមួយ លោក ប្រាក់ សុខុន ឧបនាយករដ្ឋមន្រ្តី រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិ នៅថ្ងៃទី១២ ខែកុម្ភៈ នេះ នៅទីស្តីការក្រសួង។

កន្លងមកនៅឆ្នាំ ២០១៩ ដល់ ២០២១ រដ្ឋាភិបាលស្វីសផ្ដល់ថវិកាចំនួន ១២លានស្រង់ស្មើនឹង ១២ លានដុល្លារដល់មន្ទីរពេទ្យគន្ធបុប្ផានៅកម្ពុជា។ រដ្ឋាភិបាលស្វីសបានគាំទ្រថវិកាដល់មន្ទីរ ពេទ្យគន្ធបុប្ផានៅកម្ពុជាចាប់តាំងពីឆ្នាំ ១៩៩៤ ថវិកាឧបត្ថម្ភសម្រាប់ទ្រទ្រង់មន្ទីរពេទ្យគន្ធបុប្ផាពីឆ្នាំ ១៩៩៤ ដល់បច្ចុប្បន្នមានទឹកប្រាក់ប្រមាណ ៦០លានហ្វ្រង់ស្វីស។

នៅក្នុងជំនួបពិភាក្សានោះដែលលោក ជំទាវឯកអគ្គរដ្ឋទូតស្វីសបានជម្រាបជូនលោក ប្រាក់ សុខុន ឧបនាយករដ្ឋមន្ត្រី ថាស្វីសបានផ្ដល់ការបណ្ដុះបណ្ដាលដល់មន្ត្រីកសិកម្ម និងផ្នែកបដិសណ្ឋារកិច្ចទទួលភ្ញៀវទេសចរណ៍ និងផ្ដល់ជំនួយសមដល់ស័យដោះមីនពីឆ្នាំ ២០២០-២០២៥ នូវថវិកា ៦លានហ្វ្រង់ស្វីសស្មើ ៦លានដុល្លារ បន្ថែមទៀតដល់កម្ពុជាតាមផែនការកម្ពុជានឹងបញ្ចប់ការដោះមីននៅឆ្នាំ ២០២៥ដែលកម្ពុជានឹងគ្មានគ្រាប់មីន។ជាមួយគ្នានោះរដ្ឋាភិបាលស្វីសបានផ្ដល់ជំនួយលើអភិបាលកិច្ចល្អនិងវិមជ្ឈការនៅកម្ពុជាដោយ មានកិច្ចសហការជាមួយនឹង ក្រសួងមហាផ្ទៃ។

លោកឧបនាយករដ្ឋមន្ត្រីបានថ្លែង អំណរគុណដល់រដ្ឋាភិបាលស្វីសដែលបានផ្តល់ជំនួយដល់វិស័យបោសសំអាតមីននៅកម្ពុជានិងជំនួយអភិវឌ្ឍន៍ជាច្រើនទៀតនៅកម្ពុជា។ ភាគីទាំងពីរបានពិភាក្សាអំពីកិច្ចសហប្រតិ បត្តិការបន្តទៅទៀតនឹងជំរុញបង្កើនទំហំពាណិជកម្មនៃប្រទេសទាំងពីរឲ្យកាន់តែបានខ្ពស់ជាលំដាប់។

២០២០ នេះលោកជំទាវនិងដឹក នាំអ្នកធុរកិច្ចជាប្រធានក្រុមហ៊ុនធំៗរបស់ស្វីសមកសិក្សាពីសក្តានុពលវិនិយោគនៅកម្ពុជានិងជំរុញទេសចរណ៍ស្វីសមកកម្ពុជាដើម្បីឲ្យកម្ពុជាមានកំណើនសេដ្ឋកិច្ចកាន់តែខ្ពស់។

សូមបញ្ជាក់ថា រាជរដ្ឋាភិបាលកម្ពុជាបានផ្ដល់មូលនិធិដល់មន្ទីរពេទ្យគន្ធបុប្ផាក្នុង ១ឆ្នាំ ១០លានដុល្លារ កាកបាទក្រហមកម្ពុជាផ្ដល់ថវិកាដល់មន្ទីរពេទ្យគន្ធបុប្ផាក្នុងមួយឆ្នាំ ១លានដុល្លារ។ រាជរដ្ឋាភិបាលបានបង្កើតមូលនិធិគន្ធបុប្ផាជួយដល់មន្ទីរ ពេទ្យគន្ធបុប្ផ ១ឆ្នាំប្រមាណជា ៥ លានដុល្លារផងដែរ។ រដ្ឋាភិបាលស្វីសជាជាដៃគូសន្ទនាដោយផ្នែកជាមួយ នឹងអាស៊ាន។ហើយជាមួយកម្ពុជាមានកិច្ចសហប្រតិបត្តិទ្វេភាគីនិងក្នុងតំបន់៕

អត្ថបទ៖ ម៉េងងី